قازاقستان پرەزيدەنتى قاسىم-جومارت توقاەۆ فرانتسيانىڭ ەلشىسى سيلۆەن گيوگەمەن كەزدەسىپ، ونى جاڭا قىزمەتكە تاعايىندالۋىمەن قۇتتىقتادى. بۇل تۋرالى اقوردانىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«فرانتسيا ەلشىسىن جاڭا قىزمەتكە تاعايىندالۋىمەن قۇتتىقتاعان پرەزيدەنت قاسىم-جومارت توقاەۆ ونىڭ ديپلوماتيالىق ميسسياسى ەكىجاقتى قارىم-قاتىناستاردى دامىتۋداعى وتە بەلسەندى كەزەڭگە تۋرا كەلەتىنىن اتاپ ءوتتى»، - دەلىنگەن حابارلامادا.
كەزدەسۋ بارىسىندا توقاەۆتىڭ فرانتسياعا الداعى مەملەكەتتىك ساپارى اياسىندا تالقىلاناتىن وزەكتى ماسەلەلەر كوتەرىلدى. مەملەكەت باسشىسى بۇل ساپار قازاقستان-فرانتسيا ارىپتەستىگىنىڭ جاڭا پەرسپەكتيۆالارىن اشاتىنىنا جانە ونى ودان ءارى نىعايتۋعا نەگىز بولاتىنىنا سەنىم ءبىلدىردى.
