Almaty ákimi Erbolat Dosaev Qazaq ulttyq qyzdar pedagogıkalyq ýnıversıteti ǵylymı kitaphanasynyń ashylý saltanatyna qatysyp, oǵan belgili pedagog, ǵalym Seraly Qanıevtiń esimi berildi.
Saltanatty rásimge ǵylym jáne joǵary bilim mınıstri Saıasat Nurbek, JOO rektory Gúlmıra Qanaı jáne t. b. qatysty.
«Búgin Qazaq ulttyq qyzdar pedagogıkalyq ýnıversıteti men jalpy qalamyz úshin ataýly oqıǵa - biz eń zamanaýı talaptar men álemdik standarttarǵa saı keletin jańa kitaphanany ashamyz. Kitaphana kórnekti ǵalym jáne ustaz Seraly Qanıevtiń esimimen atalady. Ol 35 jyl boıy osy ýnıversıtettiń qabyrǵasynda eńbek etti, onyń bilimimen qanattanǵan stýdentter elimizdiń ár óńirinde jemisti jumys jasaýda, óz mansaptary men ómirlerinde bıik mejelerge qoljetkizýde», - dedi óz sózinde Erbolat Dosaev.
Erbolat Dosaev qazirgi stýdentterge oqýda jáne kásipte joǵary standarttarǵa umtylýǵa, óz isine adal bolýǵa tilek bildirdi.
Kitaphana ǵımaratyn rekonstrýkııalaý qazaqstandyq jáne sheteldik sáýletshilerdiń jobasy boıynsha jáne Seraly Qanıevtiń uly – kásipker Berik Qanıevtiń qarajaty esebinen júrgizildi. Kitaphana ǵımaraty modernızaııalanǵannan soń onda erekshe bilim berý qajettilikteri bar stýdentterge arnalǵan arnaıy kabınet paıda boldy. Ǵımaratty qaıta qurý jumystary júrgizildi, bul kitaphananyń jalpy aýmaǵyn 2195 sharshy metrge, al otyratyn oryndardyń sanyn 550-ge deıin ulǵaıtýǵa múmkindik berdi. Jańa kitaphana ǵımaratynda mynalar bar: 2 oqý zaly, konferen-zal, Akademııalyq jazý ortalyǵy, oqý aımaǵy, stýdentterdiń toptyq jumys bólmeleri, 14 jeke oqý kabınasy, relaksaııa bólmesi. Kitaphananyń kitap qory 1 mln kitaptan asady.
Almatyda búginde 28 kitaphana jumys isteıdi. Jyl saıyn qalalyq kitaphanalarǵa 3 mıllıonnan astam adam keledi. Qala kitaphanalarynyń
95% - y modernızaııalandy, materıaldyq jáne tehnıkalyq baza tolyǵymen jańartyldy. Jalpy, 2030 jylǵa deıin Almatyda taǵy 20 jańa kitaphana ashý josparlanýda.
