كەشە ءماجىلىستىڭ جالپى وتىرىسىنان كەيىن دەپۋتات جۋرناليستەرگە مۇناي باعاسىنىڭ شەكاراعا دەيىن ءبىر باعا جانە ودان كەيىن باسقا باعامەن ساتىلاتىن ايتتى.
جيىننان كەيىن جۋرناليستەر ءماجىلىس دەپۋتاتى ەرمۇرات باپيدەن “ولجاس بەكتەنوۆ باسقاراتىن مينيسترلەر كابينەتىنىڭ جۇمىسىنا كوڭىلىڭىز تولا ما؟” دەپ سۇرادى.
ەرمۇرات باپيدىڭ ايتۋىنشا، ۇكىمەتتىڭ جۇمىسىن ەكى جاعدايدا باعالاۋ كەرەك. ء“بىرىنشىسى، سۋ تاسقىنىنان كەيىنگى شىعىنداردى ەسەپتەۋگە كەلگەن جاعدايدا، ونسىزدا دەفيتسيت قارجىلىق تاپشىلىعىنا وراسان زور شىعىندار جۇكتەلدى. وسى تۇرعىدان كەلگەندە ۇكىمەتتىڭ جۇمىسى قولدا بار مۇمكىندىكتىڭ شەڭبەرىندە ءجۇرىپ جاتىر دەپ باعالاۋ كەرەك.
ال، بىراق دەگەنمەن ءالى دە ۇكىمەت قولعا دا الا الماي وتىرعان باعىتتتار بار. ماسەلەن، قازاقستاندا وندىرىلگەن مۇناي-گازدىڭ شەكاراعا دەيىن ءبىر باعامەن، شەكارادان كەيىن ەكىنشى باعامەن ساتىلاتىن جاعدايى بار.
- شەكارادان ارى قاراي مۇنايىمىز الدەقايدا قىمبات باعادا ساتىلىپ جاتىر. ماسەلەن بىزدە شەكاراعا دەيىن مۇناي ءبىر باعاعا ساتىلاتىن بولسا، ودان ءارى قاراي ارادا تۇرعان كومپانيالار، ترەيدەرلەر ەكىنشى باعامەن ساتىپ الادى. سوندا، ءبىز ءوزىمىزدىڭ ەلدە وندىرىلەتىن ءونىمنىڭ مۇمكىندىگىن تولىق پايدالانا الماي جاتىرمىز. وسىعان ۇكىمەت تاراپىنان ارناۋلى ءبىر ۇسىنىستار بولىپ، زاڭعا وزگەرىستەر ەنگىزۋ كەرەك بولسا، ءبىز ونى قولدايتىن ەدىك. بىراق، بيۋدجەتكە قوسىمشا ءتۇسىمنىڭ مۇمكىندىگى شيكىزاتتىڭ شەكاراعا دەيىن ءبىر باعا، شەكارادان كەيىن ەكىنشى باعا بولىپ، الەمدىك باعاعا دەيىن ساتىلاتىن جاعدايى بار. ءبىز نەگە الەمدىك باعاعا ساتىلاتىن ءونىمنىڭ تۇسىمىنەن ءتيىستى قاراجات المايمىز. سول سياقتى ۋىستان شىعارىپ الىپ وتىرعان مۇمكىندىكتەرىمىز بار. بۇل ماسەلەنىڭ سەبەبىن ءبىراز زەرتتەپ كوردىم. بۇعان دەيىن جاسالىپ قويعان كەلىسىمشارتتار بار. ال ول كەلىسىمشارتتاردىڭ ءبىرازى حالىقارالىق دەڭگەيدەگى كەلىسىمشارتتار بولعاننان كەيىن ولار ۇلتتىق زاڭداردان الدەقايدا جوعارى دەپ ەسەپتەلەدى. ءبىزدىڭ ەلدە ينۆەستيتسيالىق احۋالدى بۇزعان ارەكەتتەر بولادى. سوعان بايلانىستى وسى زاڭدارعا وزگەرىس ەنگىزۋ ماسەلەسى تۋىنداپ وتىر، - دەيدى ول.
