«قازاقستان رەسەيگە قارسى سانكتسيا سالعان جوق، رەسەيگە قارسى سانكتسيالارعا دا قوسىلمادى. سونىمەن بىرگە، ءبىز ءوز تەرريتوريامىزدىڭ سانكتسيالاردى اينالىپ ءوتۋ ءۇشىن پايدالانىلعانىن قالامايمىز»، - دەدى ۆاسيلەنكو پولشانىڭ RAR اگەنتتىگىنە بەرگەن سۇحباتىندا.
ۆيتسە-مينيستر ۆاسيلەنكو سانكتسيالاردى اينالىپ وتپەۋ ءۇشىن بارلىق قاجەتتى شارالار قابىلدانىپ جاتقانىن اتادى. سەبەبى رەسپۋبليكا «ەكىنشى رەتتىك سانكتسيالاردىڭ ەنگىزىلۋىن قالامايدى». ونىڭ سوزىنشە، استانا مەن ماسكەۋ اراسىنداعى ەكىجاقتى قارىم-قاتىناستا «ماسەلە» جوق. الايدا «ءارتۇرلى ماسەلەلەر» بار ەكەنىن، ويتكەنى كورشىلەس ەكى مەملەكەتتىڭ قارىم-قاتىناسى «وتە الۋان ءتۇرلى» ەكەنىن اتاپ ءوتتى.
«ءارتۇرلى سۇراقتار بار، سەبەبى ءبىز كورشى مەملەكەتتەرمىز جانە ءبىزدىڭ قارىم-قاتىناستارىمىز الۋان ءتۇرلى. ءبىز بۇل سۇراقتاردى ولار ماسەلەگە اينالماي تۇرىپ شەشۋ ءۇشىن رەسەيمەن بىرلەسىپ جۇمىس ىستەپ جاتىرمىز، — دەپ ءتۇسىندىردى ول.
