«Qazaqstan Reseıge qarsy sankııa salǵan joq, Reseıge qarsy sankııalarǵa da qosylmady. Sonymen birge, biz óz terrıtorııamyzdyń sankııalardy aınalyp ótý úshin paıdalanylǵanyn qalamaımyz», - dedi Vasılenko Polshanyń RAR agenttigine bergen suhbatynda.
Vıe-mınıstr Vasılenko sankııalardy aınalyp ótpeý úshin barlyq qajetti sharalar qabyldanyp jatqanyn atady. Sebebi respýblıka «ekinshi rettik sankııalardyń engizilýin qalamaıdy». Onyń sózinshe, Astana men Máskeý arasyndaǵy ekijaqty qarym-qatynasta «másele» joq. Alaıda «ártúrli máseleler» bar ekenin, óıtkeni kórshiles eki memlekettiń qarym-qatynasy «óte alýan túrli» ekenin atap ótti.
«Ártúrli suraqtar bar, sebebi biz kórshi memlekettermiz jáne bizdiń qarym-qatynastarymyz alýan túrli. Biz bul suraqtardy olar máselege aınalmaı turyp sheshý úshin Reseımen birlesip jumys istep jatyrmyz, — dep túsindirdi ol.
