قاراعاندىدا رەسپۋبليكا كۇنى قارساڭىندا كوميۋنيتي-ورتالىق اشىلدى. بۇل جاستار ءوز جوبالارىن قۇرىپ، بىلىكتى كومەك الا الاتىن ورىن.
مۇنداي پسيحولوگيالىق كومەك قىزمەتى جۇمىس ىستەيدى، سونداي-اق زاڭگەرلىك جانە قارجىلىق كەڭەس الۋعا، كاسىپتىك باعدار بەرۋ جانە جۇمىسقا ورنالاسۋ ماسەلەلەرى بويىنشا كەڭەس الۋعا بولادى.
ورتالىقتىڭ بارلىق قىزمەتى تەگىن.
ونىڭ جۇمىسى جاستاردىڭ شىعارماشىلىق باستامالارىن قولداۋعا باعىتتالعان.
ورتالىقتا پودكاست جازۋ، موبيلوگرافيا،
دروندى باسقارۋ بۇرىشى،
كوۆوركينگ، ديزاين ستۋدياسى
جانە ت. ب. تاقىرىپتىق ايماقتار جابدىقتالعان.
– كوميۋنيتي-ورتالىعى جەتى ايماقتى قامتيدى، ولاردىڭ ارقايسىسى جاستاردىڭ بويىنداعى دارىن مەن اۋەستىگىن انىقتاۋعا مۇمكىندىك بەرەدى. قاۋىمداستىق الاڭىندا كوپتەگەن يدەيالار مەن جوبالار جۇزەگە اسىرىلاتىنىنا سەنىمدىمىن. ءىس-شارالاردى ۇيىمداستىرۋعا، قاتىسۋشىلاردى وقىتۋعا جانە قولداۋعا بارلىق كۇش-جىگەرىمىزدى سالامىز، – دەدى قاراعاندى وبلىسى اكىمىنىڭ ورىنباسارى الىبەك الدەنەي.
قاراعاندى كوميۋنيتي-ورتالىعى – ەلىمىزدەگى ءۇشىنشى ورتالىق. بۇعان دەيىن الماتى مەن قىزىلوردادا دا وسىنداي ەكى نىساناشىلعان.
ورتالىق 2023–2029 جىلدارعا ارنالعان مەملەكەتتىك جاستار ساياساتىنىڭ تۇجىرىمداماسىن ىسكە اسىرۋ اياسىندا اشىلدى. ول تاتتىمبەت كوشەسى 709 مەكەن-جايىندا ورنالاسقان.
