Qaraǵandyda Respýblıka kúni qarsańynda komıýnıtı-ortalyq ashyldy. Bul jastar óz jobalaryn quryp, bilikti kómek ala alatyn oryn.
Mundaı psıhologııalyq kómek qyzmeti jumys isteıdi, sondaı-aq zańgerlik jáne qarjylyq keńes alýǵa, kásiptik baǵdar berý jáne jumysqa ornalasý máseleleri boıynsha keńes alýǵa bolady.
Ortalyqtyń barlyq qyzmeti tegin.
Onyń jumysy jastardyń shyǵarmashylyq bastamalaryn qoldaýǵa baǵyttalǵan.
Ortalyqta podkast jazý, mobılografııa,
drondy basqarý buryshy,
kovorkıng, dızaın stýdııasy
jáne t. b. taqyryptyq aımaqtar jabdyqtalǵan.
– Komıýnıtı-ortalyǵy jeti aımaqty qamtıdy, olardyń árqaısysy jastardyń boıyndaǵy daryn men áýestigin anyqtaýǵa múmkindik beredi. Qaýymdastyq alańynda kóptegen ıdeıalar men jobalar júzege asyrylatynyna senimdimin. Is-sharalardy uıymdastyrýǵa, qatysýshylardy oqytýǵa jáne qoldaýǵa barlyq kúsh-jigerimizdi salamyz, – dedi Qaraǵandy oblysy ákiminiń orynbasary Álibek Áldeneı.
Qaraǵandy komıýnıtı-ortalyǵy – elimizdegi úshinshi ortalyq. Buǵan deıin Almaty men Qyzylordada da osyndaı eki nysanashylǵan.
Ortalyq 2023–2029 jyldarǵa arnalǵan memlekettik jastar saıasatynyń tujyrymdamasyn iske asyrý aıasynda ashyldy. Ol Táttimbet kóshesi 709 meken-jaıynda ornalasqan.
