بۇگىن ۇكىمەتتە وتكەن ءباسپاسوز ءماسليحاتىندا قر پرەمەر-ءمينيسترىنىڭ ورىنباسارى سەرىك جۇمانعارين ەلدەگى بۇرىنعى ۋاقىت بەلدەۋىن قايتارۋ تۋرالى ايتتى، دەپ حابارلايدى «ادىرنا» ۇلتتىق پورتالى.
ونىڭ ايتۋىنشا، شەشىم قابىلداۋدىڭ بەلگىلى ءبىر ەرەجەلەرى بار.
«ۇكىمەت شەشىم قابىلداعاندا ۇنەمى مەملەكەتتىك رەفەرەندۋم وتكىزۋدىڭ قاجەتى جوق. بۇل ءۇشىن القالى ورگان بار. بۇل جاعدايدا قاجەت زەرتتەۋلەر جۇرگىزىلىپ، شەشىم قابىلداندى. وسىدان كەيىن، نورماتيۆتىك-قۇقىقتىق اكتىلەر اياسىندا ءوتىنىش ءتۇسىپ، بارلىق وڭ جانە تەرىس جاقتارى ءتيىستى توپتاردا قارالىپ، سوڭعى شەشىم قابىلداندى»، - دەدى سەرىك جۇمانعارين.
ول بۇل ماسەلەنى قىسقا مەرزىمدە ەمەس، ورتا مەرزىمدى پەرسپەكتيۆادا زەرتتەپ، ونىڭ قانداي اسەر ەتەتىنىن انىقتاۋدى ۇسىندى.
«ەندى ۇكىمەت بۇل ماسەلەنى كوتەرىپ، قايتالاپ تۇسىنىكتەمە بەرۋدى كوزدەپ وتىرعان جوق. ەگەر ءبىز ءار كەزدە رەگلامەنتتەن اۋىتقىپ كەتەتىن بولساق... شەشىم بولدى، پەتيتسيا قارالدى، شەشىم راستالدى. مەنىڭ ويىمشا، بۇعان توقتالۋ كەرەك»، - دەپ تۇيىندەدى ءسوزىن سەرىك جۇمانعارين.
