21 ساۋىردەن باستاپ اقتوبە وبلىسى اكىمدىگىنىڭ اپپاراتى، وبلىستىق باسقارمالار جانە اقتوبە قالاسى اكىمدىگى جاڭا جۇمىس كەستەسىنە كوشەدى، دەپ حابارلايدى “ادىرنا” ۇلتتىق پورتالى Kazinform اگەنتتىگىنە سىلتەپ.
رەسمي مالىمەتكە سايكەس، ەندى جۇمىس كۇنى ساعات 08:30-دا باستالىپ، 17:30-دا اياقتالادى. تۇسكى ءۇزىلىس ۋاقىتى — 12:30-دان 13:30-عا دەيىن.
ايتا كەتەيىك، بۇعان دەيىن شىعىس قازاقستان وبلىسىنىڭ بارلىق اۋداندارى جاڭا جۇمىس ۋاقىتىنا كوشكەن بولاتىن. سونىمەن قاتار، استانادا دا جۇمىس ۋاقىتىن وزگەرتۋ ماسەلەسى قاراستىرىلىپ جاتىر.
مامانداردىڭ ايتۋىنشا، جۇمىس كەستەسىن وزگەرتۋ تاڭعى جانە كەشكى قاربالاس ساعاتتاردا جولدارداعى كولىك قوزعالىسىن جەڭىلدەتۋگە كومەكتەسەدى.
