قازاقستاندا بۇرىنعى ۋاقىت بەلدەۋى قايتارىلۋى مۇمكىن، دەپ حابارلايدى "ادىرنا" ۇلتتىق پورتالى.
باق وكىلدەرىنىڭ ۋاقىتقا قاتىستى ساۋالىنا ساۋدا جانە ينتەگراتسيا ۆيتسە-ءمينيسترى قايرات تورەباەۆ جاۋاپ بەردى.
«قازىر بۇل تۋرالى ءسوز قوزعاۋعا ەرتە. ازىرگە ءبىز مينيسترلىكتىڭ باسقا مەملەكەتتىك ورگاندارمەن بىرلەسىپ قابىلداعان رەسمي ۇستانىمىن ۇستانامىز»، – دەدى ۆيتسە-مينيستر ءماجىلىس كۋلۋارىندا.
سونداي-اق، ۆيتسە-مينيستر پەتيتسيا 50 مىڭ قول جيناسا، بۇرىنعى ساعات بەلدەۋىنە ورالۋىمىز مۇمكىن ەكەنىن ايتتى.
«پەتيتسيا 19 ساۋىردە جاريالاندى. قازىر مىڭ ادامداي قول قويعان. ءبىز مۇقيات مونيتورينگ جاساپ وتىرمىز. پەتيتسيادا كورسەتىلگەن تالاپتار ەسكەرىلەدى. جەلتوقسان ايىندا شەشىلەتىن ماسەلەنى گيپوتەتيكالىق تۇردە تالقىلايتىن بولامىز. 50 مىڭ داۋىستىڭ سىني ماسساسىنا قول جەتكىزگەن جاعدايدا، جۇمىس ۇكىمەت ىشىندە قايتادان قارالادى»، – دەدى سپيكەر.