ۇكىمەتتىڭ «قازاقستان رەسپۋبليكاسىنىڭ اۋماعىندا ۋاقىتتى ەسەپتەۋ ءتارتىبى تۋرالى» قاۋلىسىنا سايكەس 2024 جىلعى 1 ناۋرىز ساعات 00:00-دەن باستاپ ەلدىڭ بۇكىل اۋماعىندا بىرىڭعاي ساعاتتىق بەلدەۋ بەلگىلەنەدى (UTC+5).
استانا، الماتى، شىمكەنت قالالارىنىڭ، اقمولا، الماتى، جامبىل، قاراعاندى، قوستاناي، پاۆلودار، سولتۇستىك قازاقستان، تۇركىستان، شىعىس قازاقستان وبلىستارىنىڭ جانە اباي، جەتىسۋ، ۇلىتاۋ وبلىستارىنىڭ اكىمدىكتەرى 2024 جىلعى 29 اقپاننان باستاپ 2024 جىلعى 1 ناۋرىزعا قاراعان ءتۇنى (ساعات 00:00-دە) جەرگىلىكتى ۋاقىتتى 1 ساعات كەيىنگە شەگەرەدى.
ايتا كەتەيىك، قازاقستاندا ۋاقىتتى ەسەپتەۋ ماسەلەلەرى بويىنشا جۇمىس توبىنا كىرگەن قازاقستاندىق عالىمدار مەن ساراپشىلار بىرىڭعاي ۋاقىت بەلدەۋىن قۇرۋدى ۇسىندى.
جۇمىس توبى 2023 جىلدىڭ ءساۋىر ايىندا قازاقستاندىقتاردىڭ نەعۇرلىم قولايلى ۋاقىت بەلدەۋىنە كوشۋ تۋرالى بىرنەشە رەت وتىنىشتەرىنە بايلانىستى قۇرىلدى. وعان عىلىمي ينستيتۋتتاردىڭ، مەديتسينالىق جوعارى وقۋ ورىندارىنىڭ، ورتالىق جانە جەرگىلىكتى مەملەكەتتىك ورگانداردىڭ وكىلدەرى، پارلامەنت دەپۋتاتتارى جانە ت. ب. كىردى.
جىل بويى مەديتسينا، فيزيولوگيا، گەوگرافيا، مەترولوگيا سياقتى ءتۇرلى باعىتتاردى ۇسىناتىن جۇمىس توبىنىڭ مۇشەلەرى قازاقستان اۋماعىندا قولايلى ۋاقىت بەلدەۋىن بەلگىلەۋ ماسەلەسىن زەرتتەدى.
جۇمىس توبىنىڭ قاتىسۋشىلارى UTC+5 بىرىڭعاي ۋاقىت بەلدەۋىنە كوشۋ قازاقستاننىڭ كوپتەگەن وڭىرلەرى شىنايى(تابيعي) ۋاقىتقا بارىنشا جاقىن ۋاقىتتى پايدالاناتىن ەڭ دۇرىس جانە وڭتايلى نۇسقا بولىپ تابىلادى دەگەن پىكىرگە كەلىستى.
بۇل رەتتە جۇمىس توبى حالىقارالىق تاجىريبەنى زەردەلەدى، ونىڭ بارىسىندا بىرىڭعاي ۋاقىت بەلدەۋى الەمنىڭ 175 ەلىندە قولدانىلاتىندىعى انىقتالدى، ال بىردەن كوپ ۋاقىت بەلدەۋىندە نەبارى 22 مەملەكەت تۇرادى.
ۋاقىت بەلدەۋىنىڭ اۋىسۋىنا قالاي بەيىمدەلۋگە بولادى؟
العاشقى كۇندەرى اعزاعا كوبىرەك ۇيقى بەرىپ، مۇمكىندىگىنشە ۇيقىنىڭ ۇزاقتىعىن ءبىر ساعاتقا ۇزارتقان دۇرىس، سونىمەن قاتار دۇرىس تاماقتانۋ رەجيمىن ساقتاۋ كەرەك (مايلى، اششى، ىستالعان تاعامداردى، فاست-فۋدتى، تاتتىلەردى الىپ تاستاڭىز), دارۋمەندەرگە باي تاعامدارمەن بايىتىڭىز. تازا اۋادا كوبىرەك قوزعالۋ جانە سەرۋەندەۋ، شامادان تىس جۇكتەمەنى ازايتۋ، اسىرەسە بالالار مەن قارت ادامدار، وسىلايشا كاسىبي جانە تۇرمىستىق جۇكتەمەنى ازايتۋ پايدالى بولادى. بالالارعا قاتىستى بالاعا كوبىرەك كوڭىل ءبولۋ جانە ونىڭ قىڭىرلىعىنا توزىمدىلىك تانىتۋ. ەگدە جاستاعى ادامدارعا ۇيىقتار الدىندا جەڭىل سەرۋەندەۋگە، شامادان تىس فيزيكالىق بەلسەندىلىكتەن اۋلاق بولۋعا، قان قىسىمىن باقىلاۋعا كەڭەس بەرىلەدى.سوزىلمالى اۋرۋلارى
1 ناۋرىزعا دەيىن جولاۋشىعا نە ءبىلۋ كەرەك؟
قر كولىك مينيسترلىگى كورشىلەس تەمىرجول اكىمشىلىكتەرىمەن جانە «قازاقستان تەمىر جولى ۇك» اق قاتىسۋشى قىزمەتتەرىمەن بىرلەسىپ جولاۋشىلار پوەزدارىنىڭ قوزعالىس كەستەسىنە وزگەرىستەر ەنگىزۋ بويىنشا جۇمىستار جۇرگىزدى. جولاۋشىلار پويىزدارىنىڭ بارلىق وزگەرىستەرى رەسمي سايتتار مەن ينتەرنەت-رەسۋرستاردا قول جەتىمدى.
جولاۋشىلاردى ۋاقتىلى حاباردار ەتۋ ءۇشىن قىزمەتكەرلەر اراسىندا قر بويىنشا بىرىڭعاي ۋاقىت بەلدەۋىنە كوشۋ كەزىندە جولاۋشىلار جانە قالا ماڭىنداعى پوەزداردىڭ ءجۇرۋ ءتارتىبى تۋرالى ءتيىستى نۇسقامالار جۇرگىزىلۋدە.
جولاۋشىلار انىقتامالىق اقپاراتتى 1433 ءنومىرى بويىنشا «جولاۋشىلار تاسىمالى» اق بىرىڭعاي تەلەفون انىقتامالىق قىزمەتى ارقىلى نەمەسە @KTZH_PP_BOT Telegram بوتىنىڭ كومەگىمەن تەگىن الا الادى.
ازاماتتارعا قولايلى جاعداي جاساۋ ءۇشىن اۆياكومپانيالار تاراپىنان اۆياكومپانيالاردىڭ رەسمي سايتتارىندا جانە الەۋمەتتىك جەلىلەرىندە بارلىق قاجەتتى اقپاراتتىق قولداۋ كورسەتەدى.
اتاپ ايتقاندا، Air Astana, SCAT جانە Qazaq Air اۆياكومپانيالارى اۆيابيلەتتەردى ساتۋ جۇيەلەرىنە بارلىق قاجەتتى وزگەرىستەر ەنگىزدى، سونداي-اق بارلىق جولاۋشىلارعا ءتيىستى حابارلامالار جولداندى.
29 اقپاننان 2 ناۋرىز ارالىعىندا قازاقستاننىڭ اۆياتسيالىق اكىمشىلىگىنىڭ جەدەل شتابىنىڭ نەگىزىندە 8 7172 798214, 8 7172 798213 نومىرلەرى بويىنشا «جەدەل جەلى» جۇمىس ىستەيتىن بولادى. سونداي-اق، رەيستىڭ وزەكتى مارتەبەسىن ناقتىلاۋ ءۇشىن جولاۋشىلار اۋەجايدىڭ انىقتامالىق قىزمەتتەرىنە جانە Air Astana اۆياكومپانيالارىنىڭ Call-ورتالىقتارىنا كەلەسى نومىرلەر بويىنشا 8 727 244 44 77, 8 7172 58 44 77, 8 702 702 44 77; FlyArystan 8 727 331 1010 (WhatsApp 8 702 702 0227); SCAT 8 7252 99 88 80; Qazaq Air 8 727 356 14 14 جۇگىنۋى كەرەك.
ساعاتتى اۋىستىرۋ كەزىندە گادجەتتەر مەن تەحنيكانى قالاي دايىنداۋ كەرەك؟
قازاقستان رەسپۋبليكاسى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى قازاقستاندىقتارعا ولاردى جاڭارتۋ جانە جاڭا ۋاقىت بەلدەۋىنە ۋاقتىلى كوشۋ ءۇشىن امبەباپ نۇسقاۋلىقتى ۇسىنادى.
بۇل جاڭارتۋلاردى الماعان ازاماتتار ولاردىڭ جوقتىعىنان الاڭداماۋى كەرەك. قۇرىلعىلاردىڭ باعدارلامالىق جاساقتاماسىن سوڭعى نۇسقاسىنا دەيىن جاڭارتۋ قاجەت.
اۆتوماتتى جاڭارتۋ، پارامەترلەردە ۋاقىتتى اۆتوماتتى تۇردە انىقتاۋ جانە ينتەرنەت بايلانىسى قوسىلعان كەزدە-ۋاقىت اۆتوماتتى تۇردە وزگەرەدى، ەگەر جوق بولسا – قولمەن وزگەرتۋ كەرەك.
جالپى ۇسىنىستار:
1. ينتەرنەت بايلانىسىن تەكسەرىڭىز. ۋاقىتتى اۆتوماتتى تۇردە جاڭارتۋ ءۇشىن قۇرىلعى جەلىگە قوسىلۋى كەرەك.
2. ۋاقىتتى اۆتوماتتى تۇردە جاڭارتۋدى قوسىڭىز. كوپتەگەن قۇرىلعىلار جەلىلىك ۋاقىت قىزمەتتەرىن پايدالانىپ كۇن مەن ۋاقىتتى اۆتوماتتى تۇردە جاڭارتۋعا مۇمكىندىك بەرەدى.
3. قۇرىلعىنى ءوشىرىپ قايتا ىسكە قوسىڭىز. كەيدە وزگەرىستەردى قولدانۋ ءۇشىن ءوشىرىپ قايتا قوسۋ قاجەت.
وپەراتسيالىق جۇيەلەر بويىنشا نۇسقاۋلىق
Windows
1. «باسقارۋ تاقتاسى» > ساعات جانە ايماق > كۇن مەن ۋاقىتتى اشىڭىز.
2. «ينتەرنەتتەگى ۋاقىت» قويىندىسىنا ءوتىپ، پارامەترلەردى «وزگەرتۋ» تۇيمەسىن باسىڭىز.
3. ينتەرنەت ۋاقىتىمەن «سينحرونداۋ» وپتسياسى ىسكە قوسىلعانىنا كوز جەتكىزىپ، «قازىر جاڭارتۋ»تۇيمەسىن باسىڭىز.
4. ەگەر اۆتوماتتى جاڭارتۋ جۇمىس ىستەمەسە، كۇن مەن ۋاقىت قويىندىسىنا ءوتىپ، «كۇن مەن ۋاقىتتى وزگەرتۋ» تۇيمەسىن باسىپ، دۇرىس ۋاقىتتى قولمەن ورناتىڭىز.
macOS
1. جۇيە پارامەترلەرى > كۇن مەن ۋاقىتتى اشىڭىز.
2. كۇن مەن ۋاقىتتى اۆتوماتتى تۇردە رەتتەۋ وپتسياسى تاڭدالعانىنا كوز جەتكىزىڭىز.
3. ەگەر قولمەن ورناتۋ قاجەت بولسا، وسى وپتسيانى الىپ تاستاڭىز جانە قاجەتتى وزگەرتۋلەردى قولمەن جاساڭىز.
Android
1. پارامەترلەر > جۇيە > كۇن مەن ۋاقىتتى اشىڭىز.
2. كۇن مەن ۋاقىتتى اۆتوماتتى انىقتاۋدى جانە اۆتوماتتى ۋاقىت بەلدەۋىن قوسىڭىز.
3. ەگەر اۆتوماتتى ورناتۋ جۇمىس ىستەمەسە، وسى وپتسيالاردى ءوشىرىپ، كۇندى، ۋاقىتتى جانە ۋاقىت بەلدەۋىن قولمەن ورناتىڭىز.
iOS (iPhone ي iPad)
1. پارامەترلەر > جالپى > كۇن مەن ۋاقىتقا ءوتىڭىز.
2. كۇن مەن ۋاقىتتى ورناتۋ وپتسياسى ءۇشىن اۆتوماتتى ءتۇردى قوسىڭىز.
3. قاجەت بولسا، بۇل وپتسيانى ءوشىرىپ، دۇرىس ۋاقىت پەن كۇندى قولمەن ورناتىڭىز.
قيىندىقتار تۋىنداعان جاعدايدا
• امالدىق جۇيەنىڭ جاڭارتۋلارىن تەكسەرىڭىز. قۇرىلعىنىڭ وج-ءنىڭ سوڭعى نۇسقاسىنا دەيىن جاڭارتىلعانىنا كوز جەتكىزىڭىز.
• باسقا جەلىلىك ۋاقىت قىزمەتىنە اۋىسىڭىز. كەيبىر وپەراتسيالىق جۇيەلەردە بالاما ۋاقىت سەرۆەرلەرىن تاڭداۋعا بولادى.
• ۋاقىت بەلدەۋىنىڭ پارامەترلەرىن تەكسەرىڭىز. ورنالاسقان جەرىڭىز ءۇشىن دۇرىس ۋاقىت بەلدەۋى تاڭدالعانىنا كوز جەتكىزىڭىز.
• جەلى پارامەترلەرىن تازالاڭىز. كەيبىر قۇرىلعىلاردا جەلى پارامەترلەرىن جاڭعىرتۋ ۋاقىتتى اۆتوماتتى تۇردە سينحرونداۋ ماسەلەلەرىن شەشۋگە كومەكتەسەدى.
• قولداۋ قىزمەتىنە حابارلاسىڭىز. ەگەر ماسەلە شەشىلمەسە، كاسىبي كومەك قاجەت بولۋى مۇمكىن.
1 ناۋرىز - قازاقستاندا العىس ايتۋ كۇنى. بۇل مەرەكە 2017 جىلى سول كەزدەگى پرەزيدەنت نۇرسۇلتان نازارباەۆتىڭ جارلىعىمەن بەكىتىلدى. 2015 جىلى پرەزيدەنت نازارباەۆ بۇل كۇندى كوپتەگەن حالىقتار ەلگە كۇشتەپ قونىستاندىرىلعان كەزدە توزىمدىلىك پەن قوناقجايلىلىق تانىتقانى ءۇشىن قازاقتارعا العىس بىلدىرە الاتىن كۇنى دەپ جاريالاۋدى ۇسىنعان.
