پەريزات شاحمەتوۆا - اتىراۋ ءوڭىرىنىڭ تۋماسى.
قىتاي ەلىنىڭ ازياداعى نيۋ-يورگى بولىپ سانالاتىن شانحاي قالاسىندا "قىتاي مەديتسيناسى" ماماندىعى بويىنشا ءبىلىم الۋدا.
ءۇش جىل ۋاقىت ىشىندە ءدəستۇرلى دامىعان مەديتسينا سالاسىن زەرتتەۋ ۇستىندە. پەريزاتتىڭ ايتۋىنشا:"قىتاي مەديتسيناسىنىڭ نەگىزى، قاينار كوزى قىتاي حالقىنىڭ كونە مادەنيەتى مەن داستۇرىنەن، قىتاي وركەنيەتىنىڭ جەتىستىكتەرىنەن باستاۋ الادى. دəرىگەر - سالاۋاتتى ءومىر سۇرۋگە ۇيرەتەتىن اقىلشى ۇستاز."
سونىمەن بىرگە قىتايداعى قازاق بلوگەرى. پەريزاتتىڭ ومىرلىك ۇستانىمى: " ادام əرقاشان ءوزىن وزگەرتۋىن، الدا كەلتىن كۇندەرگە قادام جاساۋىن توقتاتپاۋ كەرەك ". كەيىپكەرىمىزدىڭ شەت ەلدەگى əسەرى وقىرماندارعا پايدالى اقپاراتتار بولاتىنىنا سەنىمدىمىز.
1.قىتاي حالىق رەپۋبليكاسىن نە سەبەپتى تاڭدادىڭىز؟ شانحاي قالاسى نەسىمەن ەرەكشە؟ نەسىمەن تاڭقالدىردى؟
1. قحر تاڭداعان سەبەبىم ول جەر قازىرگى تاڭدا ءبىلىم الۋعا ىڭعايلى، ارزان. جانەدە مەن ءوزىم كىشكەنتاي كەزىمنەن دارىگەر بولۋدى ارماندادىم. كىشكەنتاي كەزىمدە ء"تاۋىپ حوجۋن" سەريالىن كورىپ، قىتاي مەديتسيناسىنا قاتتى قىزىعاتىنمىن. سولاي ءوز ارمانىممەن قىتايدىڭ شانxاي قالاسىنا وقۋعا ءتۇستىم. شانxاي قالاسى ازيانىڭ نيۋ-يورگى بولىپ سانالادى. ەۋروپالانعان قالا بولىپ سانالادى، بۇل جەردە 25ميلليون xالىق تۇرسا دا الەم بويىنشا ەڭ قاۋىپسىز قالالار قاتارىنا جاتاتىنى مەنى تاڭقالدىردى.
2.قازىرگى تاڭدا كەز كەلگەن ءتىلدى ءبىلۋ ءۇشىن كۋرستارعا بارىپ ۇيرەنەدى. قىتاي ءتىلىن قالاي ۇيرەندىڭىز؟ قانشالىق جەتىك مەڭگەردىڭىز.
قىتاي تىلىندە ەڭ جوعارعى ۋروۆەن 6, مەن قازىر ء5شى ۋروۆەندى الدىم. قىتاي ءتىلىن كينولار قاراپ، دوستار تاۋىپ، ءتۇرلى سايتتاردان ۇيرەندىم. قازىرگى ۋاقىتتا ءوزىم قىتاي تىلىنەن ۋاقىتشا ساباق بەرىپ ءجۇرمىن. وقىپ جاتقان، جاڭادان باستاپ جاتقان وقۋشىلارىم قىتاي ءتىلى تۇكتە قيىن ەمەس دەيدى.
3.ستۋدەنتتەردىڭ جاعدايى قالاي؟ ستيپەندياڭىز وزىڭىزگە جەتكىلىكتى مە؟ Əلدە قوسىمشا جۇمىس ىستەۋگە تۋرا كەلە مە؟
ستۋدەنتتەردىڭ جاعدايى وتە كەرەمەت. بىزدە جاتاxانا قوناقۇيلەرمەن بىردەي. ستيپەنديا ءبىز اي سايىن 100مىڭنان جوعارى الامىز. ءوز باسىما جەتكىلىكتى. ول ەندى اركىمنىڭ اقشا جاراتۋىنا بايلانىستى شىعار. قوسىمشا جۇمىستا جاسايمىن.
4.شەتەلدە وقۋدىڭ قىزىعى مەن قيىندىعىن ايتىپ بەرەسىز بە؟ وقۋ قالاي ءتۇستىڭىز ؟العاش كەلگەن كۇنىڭىز ەسەڭىز دە مە؟ قينالعان شىعارسىز؟
مەن 11 سىنىپتا وقىپ جۇرگەن كەزىمدە مەديتسيناعا ءتۇسۋدى ارماندادىم. سول جىلدارى قازاقستان وقۋ ورىندارىندا "التىن بەلگى" العان وقۋشىلاردىڭ گرانتقا ىلەكپەي قالعانىن ەستىگەنمىن.
ويلانا كەلە حالىقارالىق عىلىمي جوبا سايىسىنا بارىپ كەلۋدى ءۇمىت ەتتىم. 11 سىنىپتىڭ ءبىر بولىك جىلىندا عىلىمي جوبا جازدىم.
مەكتەپشىلىكتەن ءوتىپ، وبلىستىقتان ء2شى ورىن الىپ، سولاي دايىندالىپ جۇرگەندە، حالىقارالىققا قاتىسۋ ءۇشىن ميلليون جارىمداي اقشا سۇرادى. ەندى باس تارتايىن دەسەم ۇبت-عا دايىندالاتىن تەك عانا 6اي ۋاقىتىم قالدى، ۇلگەرە المايمىن. سول اقشاعا ودان دا شەت ەلگە بارىپ وقىپ كەلۋدى ءجون سانادىم....
ءوزىم مەد قالاعاندىقتان، قىتاي مەديتسيناسى بىرىنشىدەن قازاقستاندا جوق، ەكىنشىدەن بۇل جەردە وقۋعا ۇلكەن مۇمكىندىك بولدى. سولاي @chinese.kz كومپانياسىن تاۋىپ، سول كومپانيا ارقىلى گۋيلين دەگەن جەرگە ءتىل وقۋعا باردىم.
گۋيليندە ءجۇرىپ، سول وقىعانىممەن تەست تاپسىرىپ، شانxاي قالاسىنداعى ءوزىم ارمان ەتكەن وقۋ ورىنىنا ءتۇستىم.
شەت ەلگە وقۋعا تاپسىرۋ ەش قيىندىعى جوق. تەك ءوز مەجەڭدى ناقتىلاۋ كەرەك. ارمانسىز ادام الىس بارماس.
شەت ەلدە وقىعاننىڭ قىزىق پەن قيىن جاقتارى تۋرالى ايتايىن
. ✅اتى ايتىپ تۇرعانداي شەت ەلدىڭ اتى "شەت ەل". جاڭا ورتا، جاڭا جەر، جاڭا ادامدار. وزىڭە جاڭاشا ءبىر نارسەلەر تاباسىن
✅زاماناۋي ءبىلىم، كوپ تىلدە سويلەۋگە مۇمكىندىك. كوپتەگەەن شەتەلدىك ادامدارمەن ارالاسىپ، دوستار تاباسىن
✅ومىرگە دەگەن كوزقاراسىن وزگەرىپ، ەلگە كەلگەندە شىنىمەن بارلىعىن باسقاشا كوزبەن كورەسىن.
✅ساياxاتتاۋعا كوپ مۇمكىنشىلىك. ✅ساباق قازاقستانعا قاراعاندا جەڭىلىرەك.جانە گرانتقا كوپ مۇمكىندىكتەر بار.
✅سۋرەتكە تۇسۋگە كوپ ادەمى جەرلەر 🙈
✅قىتايلىقتار وتە اقكوڭىل xالىق. ەگەر ءوزىڭىز تۋرالى كوپ ماقتاۋ ءسوز ەستىگىڭىز كەلسە، سولارمەن سويلەسىڭىز. قازاقستاندا جۇرگەندە، جەر ۇلكەن، ادام از بولسادا، قاقتىعىسىپ، سوعىسىپ جۇرەدى. ول جاقتا ونداي نارسەلەر كورمەيسىن. .
قيىنشىلىعى.
1.ەلىندى، ءۇيىڭدى ساعىناسىڭ. ءبارىبىر ءبىر نارسە جەتپەي جۇرگەندەي سەزىنەسىڭ.
2.تاماق جاعىنان وتە قيىن. كوپ تاماقتاردا شوشقانىڭ ەتى، مايى سوندىقتان بۇل دا مەنىڭ ۆەگاندىققا كوشۋىمنىڭ باستى سەبەبى بولعان.
3.ء"اي دەيتىن اجە، قوي دەيتىن قوجا جوق". سوندىقتان مەن قىز بالالاردىڭ شەت ەلدە جالعىز وقۋىڭا قارسىمىن.
5. قىتايدىڭ قازاق ستۋدەنتتەرىنە دەگەن كوزقاراسى قانداي؟
قىتايلىقتاردىڭ بىزگە دەگەن كوزقاراسى جاقسى. ءبىزدى شەت ەل ازاماتتارى بولعان سوڭ قۇرمەيتتەيدى. ءبىز وتە جاقسى ارالاسامىز، كوپ جەرلەردە بىزگە كومەكتەسەدى. سوندىقتان قىتايلىقتارمەن ارا قاتىناسىمىز جاقسى دەپ ايتا الامىن
6. جەرگىلىكتى جەردە جاقىن دوستارىڭىز بار ما؟ جəنە بوس ۋاقىتتارىڭىزدى قالاي وتكىزەسىز؟
مەندە كوبىنە شەت ەلدىكتەرمەن دوس بولامىن.
مەنىڭ كوپ ساياxاتتايتىنىمدا سوندىقتان. قاي ەلگە، جەرگە بارسام دا دوستارىم كۇتىپ الىپ جاتادى. بوس ۋاقىتىم وتە از بولادى. ساباق وقۋدان بولەك، كىتاپتار وقيمىن، قىتاي ءتىلىن وقۋدى سولاي توقتاپ قالعان جوقپىن، جالعاستىرىپ وقىپ تا ءجۇرمىن. جانە باسقا دا تىلدەردى وقيمىن، يوگا، زۋمبا مەن اينالىسامىن. ينستاگرامم جۇرگىزىپ، قازىر بلوگەرلىك تۋرالى ءتۇرلى مارافوندار وتكىزەمىن.
7. ءسىزدىڭ ءحوببيىڭىزدى ءبىرى يوگا تۋرالى ايتا كەتسەڭىز؟بىزدىڭ دىنىمىزگە قانشالىقتى قارسى دەپ ويلايسىز؟
ءاربىر ادامدا ءوزى ۇناتاتىن سپورت ءتۇرى بولادى. مەن وسى يوگامەن اينالىسقالى بەرى وزىمە جاقىن ەكەنىن ءتۇسىندىم. بىراق ەستي كەلە، مۇسىلمان ادامعا يوگامەن اينالىسۋعا بولمايدى ەكەن. 🤫
بىرىنشىدەن، يوگا-مەنىڭ قابىلداۋىمشا ءجاي عانا سپورتتىڭ ءبىر ءتۇرى. ول ادام دەنساۋلىعىنا وتە كوپ پايداسىن تيگىزىپ، كوپتەگەن اۋرۋلاردى ەمدەيدى
.
ەكىنشىدەن، مەن يوگامەن اينالىسقاندا، تەك قاجەتتى نارسەلەرىن جاسايمىن. ولەڭ ايتۋ، قولدى وسىلاي قويۋ جاعدايلارىندا ىستەمەيمىن. قىسقاشا ايتقاندا كەرەگىن الىپ، يسلامعا قارسى جاعىن مۇلدەم جاسامايمىن
.
سوندىقتان يوگانى مەنىڭ فيزيكالىق جاعدايىمدى رەتتەۋگە كومەگىن تيگىزىپ جۇرگەن سپورتتىڭ ءبىر ءتۇرى دەپ قابىلدايمىن
8. Əلەمنىڭ ەڭ ۇزدىك وقۋ ورىندارىنا تۇسكىسى كەلىپ، ءسىز سەكىلدى جىراقتان ءبىلىم ىزدەگىسى كەلەتىن جاس جەتكىنشەكتەرگە بەرەر كەڭەسىڭىز؟
ەڭ ءبىرىنشى قازىرگى جاستارعا ايتار كەڭەسىم.
قازاقستاندا شەكتەلىپ قالماۋ! شەت ەلدە اقشاسى بارلار عانا وقيدى دەگەن قاعيدادان شىعۋ. ويتكەنى شەت ەلدەر بىزگە قازاقستاننان دا كوپ مۇمكىندىكتەر بەرىپ جاتىر. بارلىق مۇمكىندىكتى پايدالانىپ قالۋ قاجەت. ەشقاشان ءبىر ورىندا تۇرماي، دامي بەرۋ قاجەت. ۋاقىت زىمىراپ بارا جاتىر، ۋاقىتپەن بىرگە اينالامىز تەز دامىپ جاتىر، كوشپەن بىرگە، زامان اعىمىمەن قوزعالۋ قاجەت. ەرىنشەكتىككە، جالقاۋلىققا ۋاقىت بولماۋ قاجەت. قازىر مەنىڭ ينستا پوستتارىمدى وقىساڭىزدار گرانتتار الۋ جونىندە كوپتەگەن نارسەلەر جازىپ ءجۇرمىن، مەن سياقتى جازىپ جۇرگەن ستۋدەنتتەردە كوپ، سولاردى وقىپ، ىزدەنۋ قاجەت. قىران قونعان بيىككە، ورمەلەپ جىلان دا شىعا الاتىنىن ۇمىتپاعان ءجون. مەن جەتكەن بيىككە، سىزدەر دە جەتە الاسىزدار.
قىتايعا كەلگەندەگى ءبىرىنشى كۇنىم
اەروپورتقا كەشىگىپ كەلدىم. اتام دۇعا وقيمىز دەپ، كىشكەنە وتىرىپ قالعانبىز. كەلسەك، "جۇگىرىڭىز"دەپ، ماما مەن پاپانى قۇشاقتادىم با جوق پا؟ Əيتەۋىر، جۇگىرىپ سامولەتكە اپاراتىن اۆتوبۋسقا ۇلگەردىم.
سولاي، الماتىعا جەتتىم. 🛬الماتىدا باسقا ستۋدەنتتەردى كۇتىپ، بارلىعىمىز جينالىپ، ءبىر قىتايشا بىلەتىن ستۋدەنتكە ءبىزدى تاپسىرىپ، ۇرىمشىگە ۇشتىق. جۇرەك ءلۇپ-ءلۇپ 15 جاستاعى كىشكەنتاي قىزدىڭ، سامولەتتىڭ تەرەزەسىنەن تەلمىرە قاراپ، كۇلىمسىرەپ، "ارمانىما جەتتىم-اۋ" دەپ وتىرعان بەينەسى ءالى ەسىمدە. الدا قانشاما قيىنشىلىقتار ورمالىن بۇلعاپ تۇرعانىن بىلمەگەن عوي...
سولاي، ۇرىمشىگە جەتتىك. ءبىزدى الىپ باراتىن ستۋدەنت بالانى تابا الماي قالىپ، 10شاقتى ستۋدەنت اداسىپ كەتۋگە قالعانبىز. كىشكەنە قىتايشا وقىعانىممەن، ءبىر ادامدارعا بارىپ "گۋيلين، گۋيلين" دەپ ايقايلاعانىم بار.گۋيليندەگى دوستارىم، ءالى سونى ايتىپ كۇلەدى. قازىر بىراق ولارمەن كوپ ارالاسپايمىز، اركىم ءوز جولىمەن كەتتى
.
گۋيلين، گۋيلين دەپ گۋيلينگە دە جەتتىك. چەموندارىمىزدى الىپ شىقساق، "Kazakhstan" دەگەن قاعاز ۇستاپ العان ءبىر بالا تۇر ەكەن، سونىڭ جانىڭا اناسىڭ تاپقان بالاداي قۋانىپ، جۇگىرىپ باردىق. بارلىعىمىزدى تاكسيگە وتىرعىزىپ، ۋنيۆەرگە جىبەردى
قانشا شارشاپ تۇرسام دا، تەرەزەدەن كوز الار ەمەسپىن. ادەمى تاۋلار، كورىكتى تابيعات، بارلىعى ءالى ەسىمدە. سولاي ۋنيۆەرگە جەتىپ، ورنالاستىق. ءۇشىنشى كۇن دەگەندە، سول جەردە وقىپ جاتىرعان قازاق بالا ءبىر جەرگە تاماقتانۋعا اپارعان. ونى تاياقشامەن جەي المادىم....
گۋيليندە جارتى جىل وقىدىم، ساباققا 40 بالادان تەك 3-4ەۋى كەلەتىن. جارتى جىلدا تەك "نيxاۋ", "زايدجيەن" دەگەن سوزدەردى ۇيرەندىم. كوڭىلىم ءتۇستى. ارمانىم مەديتسينا وقۋ بولعاندىقتان، وقۋعا تۇسۋگە قاراي باستادىم. ول كەزدە گرانت دەگەن بىلمەي، اقشاعا بولسىن وقيمىن دەپ، گۋانچجوۋعا جۇمىس جاساۋعا كەتتىم.
جۇمىستى عالامتور ارقىلى تاۋىپ، ءبىر رەستورانعا داياشى بولىپ جۇمىسقا ورنالاسپاقشى بولدىم. گۋانچجوۋعا چەمودانىمدى ارقالاپ كەتتىم.
رەستوراندى تاۋىپ، بارعانىمدا ءبىر تاجىك بالا جاسايدى ەكەن، سول كومەكتەسىپ، باستىقپەن تانىستىرىپ، سويلەستىردى. ول كەزدە قىتايشا دا بىلمەيمىن، اعىلشىن تىلىمدە كەرەمەت دەڭگەيدە ەمەس ەدى. مەيرامحانا باسشىسىڭ ماعان دەگەن كوزقاراسى سۋىقتاۋ بولدى.چەمودانىمدى كورىپ "جارايدى، 2 كۇن ۋاقىت بەرەمىن، جاساپ كور" دەدى. سول كۇنى ۇيدەگىلەر كەتكەنىمدى بىلمەيدى، قوناق ۇيگن جاتاتىن اقشام جوق، جۇمىسقا بىردەن ورنالاسىپ كەتەمىن دەگەن ويلارىم قۇردىمعا كەتتى.
كارتامەن قاراپ، قاسىنان پارك تاۋىپ، چەمودانىمدى قۇشاقتاپ سول جەردە ۇيىقتاپ، تاڭ سəرىمەن جۇمىسقا شىقتىم. .
ءبىرىنشى كۇن ءوزىمدى كورسەتە المادىم، كوپ نارسەلەردى تۇسىنبەدىم. ىشىندەگى قىتايلىقتار ماعان كوپ كومەكتەستى . كەشكىسىن جۇمىستان شىعىپ، قايتادان پارككە ۇيىقتاۋعا كەتتىم. ەرتەسى كۇنى سوڭعى كۇن بولعاسىن، باسقا امال جوق جاسايمىن دەپ، ءىشتىڭ شاڭىن بارلىعىن ءسۇرتىپ، توبەنى اقتاپ، ءوزى يتالياندىق رەستوران بولعان سوڭ، يتالياندىقتار كوپ كەلگەن، تەلەفونمەن يتاليانشا زاكاز قابىلداۋدى ۇيرەنىپ الىپ، سولاي پىسىقتىعىمدى قوسىپ، جۇمىسقا ورنالاسىپ الدىم.
.
سول ايدا باستىعىما 2 ميلليون اقشا جيناپ بەرگەنمىن. جالاقىمدى كوتەرىپ، مەنەدجەر قىلىپ جىبەردى .
جارتى جىل جۇمىسىمدى جاساپ ءجۇرىپ، اقشامدى جيناپ، ءبىر جاعىنان جۇمىس، ءبىر جاعىنان قۇجاتتارىمدى جيناپ وقۋىما تاپسىردىم. سولاي ءتۇستىم. باستىعىم وتە جاقسى ادام ەدى، جۇمىستان جىبەرگىسى كەلمەي، قىتايلىقتاردان دا جاقسى جۇمىس جاسايسىن دەپ ماقتاعان...
قالاي ارزان ساياحات جاساۋعا بولادى؟✈
بىرىنشىدەن قازاقستاننان قالاي ۇشاتىندىعى جونىندە بىلمەدىم، بىراق قىتاي ەلىنەن ۇشقان ارزانىراق بولادى. مەن بيلەتتى، شانxاي-كل🔄 كل-شانxاي 💰1104يۋان (58000 تگ) الدىم
.
قازىر، قوناق ءۇي، xوستەلداردى وتە ارزان باعادا تابۋعا بولادى. مەن العان جەر booking.com. كۋالا لۋمپۋردا 3 كۇنگە 💰300 يۋ (15000تگ💲) ال ءجۇرىپ-تۇرۋ، مەن قازاقستانداعى يندرايۆەر، ياندەكستاكسي سەكىلدى پروگراممامەن (Grab دەپ اتالادى) تاكسي شاقىرىپ ءجۇردىم. وتە ارزان جانە ىڭعايلى. جانە مەترومەن ۇيرەنگەسىن، مەترومەندە ءجۇردىم.
كۇنىنە 💰80-100 يۋ (5000تگ) اقشا جۇمسادىم، تاماقتانۋدى قوسقاندا.
اكۆاپارككە باردىم 💰200-250 يۋ (13000 تگ) بولدى
.
3 كۇننەن سوڭ مالايزيانىڭ لانگكاۆي 🏝ارالدارىنا باردىم. ول جەرگە بارىپ كەلۋ بيلەت قۇنى 💰205 يۋ(12000 تگ)
.
لانگكاۆيدا قوناق ۇيدە تۇردىم. 3 كۇنگە 💰700 يۋ(35000 تگ) + تاڭعى اسىمەن بىرگە. ايتا كەتەرلىگى اس مازىرىندە ءتۇرلى تاعامدار بار، وتە وتە ءدامدى.
كوپتەگەن ارال، جاعاجايلار بارلىعى تەگىن. تاماقتارى ارزان. مەن 3 كۇنگە ماشينا جالعا الدىم. بىراق ول جاقتا وڭ جاق جولمەن جۇرەدى سوندىقتان ساق بولعان ءجون. 🆘
.
شامامەن العانداعى شىعىن كولەمى، 💰4000-4500 يۋانداي (180-200مىڭ تگ) جۇمسادىم. جالپى بۇداندا ارزان جۇمساۋعا بولادى. ول ءوزىڭىزدىڭ اقشانى قالاي ۇستايتىنىڭىزعا بايلانىستى. ول اقشانى قايدان الدىڭ دەگەن ادامدارعا. وسى ساياxاتقا بارۋ ءۇشىن اقشا جيناۋعا ماعان 4-5 اي جەتكىلىكتى بولدى
.
ساياxاتتاۋدىڭ ەڭ باستى ماقساتى- الدىن الا بارلىعىن جوسپارلاپ الۋ. ساۋدالاسا ءبىلۋ، سول ەلدىڭ پروگراممالارىن قولدانا ءبىلۋ. ءسىز قالاساڭىز بارلىعى بولادى، تەك سول قالاعانىڭدى جاساۋ ۇشىندە كوپ جۇمىستانۋ قاجەت ەكەن.
سۇحباتتاسقان: الماس بوريس
"ادىرنا" ۇلتتىق پورتالى
