Perızat Shahmetova - Atyraý óńiriniń týmasy.
Qytaı eliniń Azııadaǵy Nıý-Iorgi bolyp sanalatyn Shanhaı qalasynda "qytaı medıınasy" mamandyǵy boıynsha bilim alýda.
Úsh jyl ýaqyt ishinde dəstúrli damyǵan medıına salasyn zertteý ústinde. Perızattyń aıtýynsha:"Qytaı medıınasynyń negizi, qaınar kózi qytaı halqynyń kóne mádenıeti men dástúrinen, qytaı órkenıetiniń jetistikterinen bastaý alady. Dəriger - salaýatty ómir súrýge úıretetin aqylshy ustaz."
Sonymen birge qytaıdaǵy qazaq blogeri. Perızattyń ómirlik ustanymy: " Adam ərqashan ózin ózgertýin, alda keltin kúnderge qadam jasaýyn toqtatpaý kerek ". Keıipkerimizdiń shet eldegi əseri oqyrmandarǵa paıdaly aqparattar bolatynyna senimdimiz.
1.Qytaı Halyq Repýblıkasyn ne sebepti tańdadyńyz? Shanhaı qalasy nesimen erekshe? Nesimen tańqaldyrdy?
1. QHR tańdaǵan sebebim ol jer qazirgi tańda bilim alýǵa yńǵaıly, arzan. Jánede men ózim kishkentaı kezimnen dáriger bolýdy armandadym. Kishkentaı kezimde "Táýip Hojýn" serıalyn kórip, qytaı medıınasyna qatty qyzyǵatynmyn. Solaı óz armanymmen Qytaıdyń Shanxaı qalasyna oqýǵa tústim. Shanxaı qalasy Azııanyń Nıý-Iorgi bolyp sanalady. Eýropalanǵan qala bolyp sanalady, bul jerde 25mıllıon xalyq tursa da Álem boıynsha eń qaýipsiz qalalar qataryna jatatyny meni tańqaldyrdy.
2.Qazirgi tańda kez kelgen tildi bilý úshin kýrstarǵa baryp úırenedi. Qytaı tilin qalaı úırendińiz? Qanshalyq jetik meńgerdińiz.
Qytaı tilinde eń joǵarǵy ýroven 6, men qazir 5shi ýrovendi aldym. Qytaı tilin kınolar qarap, dostar taýyp, túrli saıttardan úırendim. Qazirgi ýaqytta ózim qytaı tilinen ýaqytsha sabaq berip júrmin. Oqyp jatqan, jańadan bastap jatqan oqýshylarym qytaı tili túkte qıyn emes deıdi.
3.Stýdentterdiń jaǵdaıy qalaı? Stıpendııańyz ózińizge jetkilikti me? Əlde qosymsha jumys isteýge týra kele me?
Stýdentterdiń jaǵdaıy óte keremet. Bizde jataxana qonaqúılermen birdeı. Stıpendııa biz aı saıyn 100myńnan joǵary alamyz. Óz basyma jetkilikti. Ol endi árkimniń aqsha jaratýyna baılanysty shyǵar. Qosymsha jumysta jasaımyn.
4.Shetelde oqýdyń qyzyǵy men qıyndyǵyn aıtyp beresiz be? Oqý qalaı tústińiz ?Alǵash kelgen kúnińiz eseńiz de me? Qınalǵan shyǵarsyz?
Men 11 synypta oqyp júrgen kezimde medıınaǵa túsýdi armandadym. Sol jyldary Qazaqstan oqý oryndarynda "Altyn belgi" alǵan oqýshylardyń grantqa ilekpeı qalǵanyn estigenmin.
Oılana kele Halyqaralyq Ǵylymı Joba saıysyna baryp kelýdi úmit ettim. 11 synyptyń bir bólik jylynda ǵylymı joba jazdym.
Mektepshilikten ótip, oblystyqtan 2shi oryn alyp, solaı daıyndalyp júrgende, Halyqaralyqqa qatysý úshin Mıllıon jarymdaı aqsha surady. Endi bas tartaıyn desem UBT-ǵa daıyndalatyn tek ǵana 6aı ýaqytym qaldy, úlgere almaımyn. Sol aqshaǵa odan da shet elge baryp oqyp kelýdi jón sanadym....
Ózim med qalaǵandyqtan, Qytaı medıınasy birinshiden Qazaqstanda joq, ekinshiden bul jerde oqýǵa úlken múmkindik boldy. Solaı @chinese.kz kompanııasyn taýyp, sol kompanııa arqyly Gýılın degen jerge til oqýǵa bardym.
Gýılınde júrip, sol oqyǵanymmen test tapsyryp, Shanxaı qalasyndaǵy ózim arman etken oqý orynyna tústim.
Shet elge oqýǵa tapsyrý esh qıyndyǵy joq. Tek óz mejeńdi naqtylaý kerek. Armansyz adam alys barmas.
Shet elde oqyǵannyń qyzyq pen qıyn jaqtary týraly aıtaıyn
. ✅Aty aıtyp turǵandaı shet eldiń aty "Shet el". Jańa orta, jańa jer, jańa adamdar. Ózińe jańasha bir nárseler tabasyn
✅Zamanaýı bilim, kóp tilde sóıleýge múmkindik. Kóptegeen sheteldik adamdarmen aralasyp, dostar tabasyn
✅Ómirge degen kózqarasyn ózgerip, elge kelgende shynymen barlyǵyn basqasha kózben kóresin.
✅Saıaxattaýǵa kóp múmkinshilik. ✅Sabaq Qazaqstanǵa qaraǵanda jeńilirek.Jáne grantqa kóp múmkindikter bar.
✅Sýretke túsýge kóp ádemi jerler 🙈
✅Qytaılyqtar óte aqkóńil xalyq. Eger ózińiz týraly kóp maqtaý sóz estigińiz kelse, solarmen sóılesińiz. Qazaqstanda júrgende, jer úlken, adam az bolsada, qaqtyǵysyp, soǵysyp júredi. Ol jaqta ondaı nárseler kórmeısin. .
Qıynshylyǵy.
1.Elindi, úıińdi saǵynasyń. Báribir bir nárse jetpeı júrgendeı sezinesiń.
2.Tamaq jaǵynan óte qıyn. Kóp tamaqtarda shoshqanyń eti, maıy sondyqtan bul da meniń vegandyqqa kóshýimniń basty sebebi bolǵan.
3."Áı deıtin áje, qoı deıtin Qoja joq". Sondyqtan men qyz balalardyń shet elde jalǵyz oqýyńa qarsymyn.
5. Qytaıdyń qazaq stýdentterine degen kózqarasy qandaı?
Qytaılyqtardyń bizge degen kózqarasy jaqsy. Bizdi shet el azamattary bolǵan soń qurmeıtteıdi. Biz óte jaqsy aralasamyz, kóp jerlerde bizge kómektesedi. Sondyqtan Qytaılyqtarmen ara qatynasymyz jaqsy dep aıta alamyn
6. Jergilikti jerde jaqyn dostaryńyz bar ma? Jəne bos ýaqyttaryńyzdy qalaı ótkizesiz?
Mende kóbine shet eldiktermen dos bolamyn.
Meniń kóp saıaxattaıtynymda sondyqtan. Qaı elge, jerge barsam da dostarym kútip alyp jatady. Bos ýaqytym óte az bolady. Sabaq oqýdan bólek, kitaptar oqımyn, qytaı tilin oqýdy solaı toqtap qalǵan joqpyn, jalǵastyryp oqyp ta júrmin. Jáne basqa da tilderdi oqımyn, ıoga, zýmba men aınalysamyn. Instagramm júrgizip, qazir blogerlik týraly túrli marafondar ótkizemin.
7. Sizdiń hobbıińizdi biri Ioga týraly aıta ketseńiz?Bizdiń dinimizge qanshalyqty qarsy dep oılaısyz?
Árbir adamda ózi unatatyn sport túri bolady. Men osy ıogamen aınalysqaly beri ózime jaqyn ekenin túsindim. Biraq estı kele, musylman adamǵa ıogamen aınalysýǵa bolmaıdy eken. 🤫
Birinshiden, ıoga-meniń qabyldaýymsha jáı ǵana sporttyń bir túri. Ol adam densaýlyǵyna óte kóp paıdasyn tıgizip, kóptegen aýrýlardy emdeıdi
.
Ekinshiden, men ıogamen aınalysqanda, tek qajetti nárselerin jasaımyn. Óleń aıtý, qoldy osylaı qoıý jaǵdaılarynda istemeımin. Qysqasha aıtqanda keregin alyp, ıslamǵa qarsy jaǵyn múldem jasamaımyn
.
Sondyqtan ıogany meniń fızıkalyq jaǵdaıymdy retteýge kómegin tıgizip júrgen sporttyń bir túri dep qabyldaımyn
8. Əlemniń eń úzdik oqý oryndaryna túskisi kelip, siz sekildi jyraqtan bilim izdegisi keletin jas jetkinshekterge berer keńesińiz?
Eń birinshi qazirgi jastarǵa aıtar keńesim.
QAZAQSTANDA ShEKTELIP QALMAÝ! Shet elde aqshasy barlar ǵana oqıdy degen qaǵıdadan shyǵý. Óıtkeni shet elder bizge Qazaqstannan da kóp múmkindikter berip jatyr. Barlyq múmkindikti paıdalanyp qalý qajet. Eshqashan bir orynda turmaı, damı berý qajet. Ýaqyt zymyrap bara jatyr, ýaqytpen birge aınalamyz tez damyp jatyr, kóshpen birge, zaman aǵymymen qozǵalý qajet. Erinshektikke, jalqaýlyqqa ýaqyt bolmaý qajet. Qazir meniń ınsta posttarymdy oqysańyzdar granttar alý jóninde kóptegen nárseler jazyp júrmin, men sııaqty jazyp júrgen stýdentterde kóp, solardy oqyp, izdený qajet. Qyran qonǵan bıikke, órmelep jylan da shyǵa alatynyn umytpaǵan jón. Men jetken bıikke, sizder de jete alasyzdar.
QYTAIǴA KELGENDEGI BIRINShI KÚNIM
Aeroportqa keshigip keldim. Atam duǵa oqımyz dep, kishkene otyryp qalǵanbyz. Kelsek, "Júgirińiz"dep, mama men papany qushaqtadym ba joq pa? Əıteýir, júgirip samoletke aparatyn avtobýsqa úlgerdim.
Solaı, Almatyǵa jettim. 🛬Almatyda basqa stýdentterdi kútip, barlyǵymyz jınalyp, bir qytaısha biletin stýdentke bizdi tapsyryp, Úrimshige ushtyq. Júrek lúp-lúp 15 jastaǵy kishkentaı qyzdyń, samolettiń terezesinen telmire qarap, kúlimsirep, "armanyma jettim-aý" dep otyrǵan beınesi áli esimde. Alda qanshama qıynshylyqtar ormalyn bulǵap turǵanyn bilmegen ǵoı...
Solaı, Úrimshige jettik. Bizdi alyp baratyn stýdent balany taba almaı qalyp, 10shaqty stýdent adasyp ketýge qalǵanbyz. Kishkene qytaısha oqyǵanymmen, bir adamdarǵa baryp "Gýılın, Gýılın" dep aıqaılaǵanym bar.Gýılındegi dostarym, áli sony aıtyp kúledi. Qazir biraq olarmen kóp aralaspaımyz, árkim óz jolymen ketti
.
Gýılın, Gýılın dep Gýılınge de jettik. Chemondarymyzdy alyp shyqsaq, "Kazakhstan" degen qaǵaz ustap alǵan bir bala tur eken, sonyń janyńa anasyń tapqan baladaı qýanyp, júgirip bardyq. Barlyǵymyzdy taksıge otyrǵyzyp, ýnıverge jiberdi
Qansha sharshap tursam da, terezeden kóz alar emespin. Ádemi taýlar, kórikti tabıǵat, barlyǵy áli esimde. Solaı ýnıverge jetip, ornalastyq. Úshinshi kún degende, sol jerde oqyp jatyrǵan qazaq bala bir jerge tamaqtanýǵa aparǵan. Ony taıaqshamen jeı almadym....
Gýılınde jarty jyl oqydym, sabaqqa 40 baladan tek 3-4eýi keletin. Jarty jylda tek "nıxaý", "zaıdjıen" degen sózderdi úırendim. Kóńilim tústi. Armanym medıına oqý bolǵandyqtan, oqýǵa túsýge qaraı bastadym. Ol kezde grant degen bilmeı, aqshaǵa bolsyn oqımyn dep, Gýanchjoýǵa jumys jasaýǵa kettim.
Jumysty ǵalamtor arqyly taýyp, bir restoranǵa daıashy bolyp jumysqa ornalaspaqshy boldym. Gýanchjoýǵa chemodanymdy arqalap kettim.
Restorandy taýyp, barǵanymda bir tájik bala jasaıdy eken, sol kómektesip, bastyqpen tanystyryp, sóılestirdi. Ol kezde qytaısha da bilmeımin, aǵylshyn tilimde keremet deńgeıde emes edi. Meıramhana basshysyń maǵan degen kózqarasy sýyqtaý boldy.Chemodanymdy kórip "Jaraıdy, 2 kún ýaqyt beremin, jasap kór" dedi. Sol kúni úıdegiler ketkenimdi bilmeıdi, qonaq úıgn jatatyn aqsham joq, jumysqa birden ornalasyp ketemin degen oılarym qurdymǵa ketti.
Kartamen qarap, qasynan park taýyp, chemodanymdy qushaqtap sol jerde uıyqtap, Tań sərimen jumysqa shyqtym. .
Birinshi kún ózimdi kórsete almadym, kóp nárselerdi túsinbedim. Ishindegi qytaılyqtar maǵan kóp kómektesti . Keshkisin jumystan shyǵyp, qaıtadan parkke uıyqtaýǵa kettim. Ertesi kúni sońǵy kún bolǵasyn, basqa amal joq jasaımyn dep, ishtiń shańyn barlyǵyn súrtip, tóbeni aqtap, ózi ıtalıandyq restoran bolǵan soń, ıtalıandyqtar kóp kelgen, telefonmen ıtalıansha zakaz qabyldaýdy úırenip alyp, solaı pysyqtyǵymdy qosyp, jumysqa ornalasyp aldym.
.
Sol aıda bastyǵyma 2 mıllıon aqsha jınap bergenmin. Jalaqymdy kóterip, menedjer qylyp jiberdi .
Jarty jyl jumysymdy jasap júrip, aqshamdy jınap, bir jaǵynan jumys, bir jaǵynan qujattarymdy jınap oqýyma tapsyrdym. Solaı tústim. Bastyǵym óte jaqsy adam edi, jumystan jibergisi kelmeı, qytaılyqtardan da jaqsy jumys jasaısyn dep maqtaǵan...
QALAI ARZAN SAIaHAT JASAÝǴA BOLADY?✈
Birinshiden Qazaqstannan qalaı ushatyndyǵy jóninde bilmedim, biraq Qytaı elinen ushqan arzanyraq bolady. Men bıletti, Shanxaı-KL🔄 KL-Shanxaı 💰1104ıýan (58000 tg) aldym
.
Qazir, qonaq úı, xosteldardy óte arzan baǵada tabýǵa bolady. Men alǵan jer booking.com. Kýala Lýmpýrda 3 kúnge 💰300 ıý (15000tg💲) al júrip-turý, men Qazaqstandaǵy ındraıver, Iandekstaksı sekildi programmamen (Grab dep atalady) taksı shaqyryp júrdim. Óte arzan jáne yńǵaıly. Jáne metromen úırengesin, metromende júrdim.
Kúnine 💰80-100 ıý (5000tg) aqsha jumsadym, tamaqtanýdy qosqanda.
Akvaparkke bardym 💰200-250 ıý (13000 tg) boldy
.
3 kúnnen soń Malaızııanyń Langkavı 🏝araldaryna bardym. Ol jerge baryp kelý bılet quny 💰205 ıý(12000 tg)
.
Langkavıda qonaq úıde turdym. 3 kúnge 💰700 ıý(35000 tg) + tańǵy asymen birge. Aıta keterligi as mázirinde túrli taǵamdar bar, óte óte dámdi.
Kóptegen aral, jaǵajaılar barlyǵy tegin. Tamaqtary arzan. Men 3 kúnge mashına jalǵa aldym. Biraq ol jaqta oń jaq jolmen júredi sondyqtan saq bolǵan jón. 🆘
.
Shamamen alǵandaǵy shyǵyn kólemi, 💰4000-4500 ıýandaı (180-200myń tg) jumsadym. Jalpy budanda arzan jumsaýǵa bolady. Ol ózińizdiń aqshany qalaı ustaıtynyńyzǵa baılanysty. Ol aqshany qaıdan aldyń degen adamdarǵa. Osy saıaxatqa barý úshin aqsha jınaýǵa maǵan 4-5 aı jetkilikti boldy
.
Saıaxattaýdyń eń basty maqsaty- aldyn ala barlyǵyn josparlap alý. Saýdalasa bilý, sol eldiń programmalaryn qoldana bilý. Siz qalasańyz barlyǵy bolady, tek sol qalaǵanyńdy jasaý úshinde kóp jumystaný qajet eken.
Suhbattasqan: Almas BORIS
"Adyrna" ulttyq portaly
