روزا باعلانوۆا اتىنداعى “قازاقكونتسەرت” زالىندا قازاننىڭ 29-ى ساعات 19:30 دا مادەنيەت سالاسىنىڭ ۇزدىگى، ءانشى التىنشاش مۇقاتاەۆانىڭ “عاشىقپىن” اتتى موتيۆاتسيالىق شىعارماشىلىق كەشى وتەدى.
التىنشاش ءتۇرلى حالىقارالىق كونكۋرستاردىڭ جەڭىمپازى ءارى لاۋرەاتى اتانىپ، ساحناعا 10 جىلىن ارناعان جارىق جۇلدىز. ول ءان كەشىندە اۋەزدى اندەرىن شىرقاپ، ءومىرى مەن ونەرى، قۋانىشى مەن قيىندىقتارى، جەتىستىكتەرى مەن جەڭىلىستەرى تۋرالى سىر شەرتەدى.
“وسى جىلى ومىرىمدە كۇردەلى ساتتەر بولدى. اۋرۋحانادا جاتقاندا وسى كونتسەرت قايتا تۇرۋىما سەپتىگىن تيگىزدى. بۇل كونتسەرتتە اينالاما، ومىرگە عاشىق ەكەنىمدى كورسەتەمىن، سول سەبەپتى دە كونتسەرتتىڭ اتى “عاشىقپىن” دەپ اتالادى. ءان كەشىمدە تەك ءان ايتىپ عانا قويماي، باسقا دا قىرلارىمدى كورسەتۋ ماقساتىندا وزگەرىستەر ەنگىزدىك” - دەيدى التىنشاش.
كونتسەرتكە قر ەڭبەك سىڭىرگەن ءارتىسى ايجان نۇرماعامبەتوۆا، قر ەڭبەك سىڭىرگەن قايراتكەرى ايزات قارابەك، حالىقارالىق جانە رەسپۋبليكالىق كونكۋرستاردىڭ لاۋرەاتتارى باۋىرجان يساەۆ، ەربول تاجىباەۆ جانە «ASTANA MUSICAL» مەملەكەتتىك تەاترى، ت.ب. ونەرپازداردىڭ قاتىسۋىمەن وتەدى.
