Roza Baǧlanova atyndaǧy “Qazaqkonsert” zalynda qazannyŋ 29-y saǧat 19:30 da mädeniet salasynyŋ üzdıgı, änşı Altynşaş Mūqataevanyŋ “Ǧaşyqpyn” atty motivasiialyq şyǧarmaşylyq keşı ötedı.
Altynşaş türlı halyqaralyq konkurstardyŋ jeŋımpazy ärı laureaty atanyp, sahnaǧa 10 jylyn arnaǧan jaryq jūldyz. Ol än keşınde äuezdı änderın şyrqap, ömırı men önerı, quanyşy men qiyndyqtary, jetıstıkterı men jeŋılısterı turaly syr şertedı.
“Osy jyly ömırımde kürdelı sätter boldy. Auruhanada jatqanda osy konsert qaita tūruyma septıgın tigızdı. Būl konsertte ainalama, ömırge ǧaşyq ekenımdı körsetemın, sol sebeptı de konserttıŋ aty “Ǧaşyqpyn” dep atalady. Än keşımde tek än aityp ǧana qoimai, basqa da qyrlarymdy körsetu maqsatynda özgerıster engızdık” - deidı Altynşaş.
Konsertke QR eŋbek sıŋırgen ärtısı Aijan Nūrmaǧambetova, QR eŋbek sıŋırgen qairatkerı Aizat Qarabek, halyqaralyq jäne respublikalyq konkurstardyŋ laureattary Bauyrjan İsaev, Erbol Täjıbaev jäne «ASTANA MUSICAL» memlekettık teatry, t.b. önerpazdardyŋ qatysuymen ötedı.
