پرەزيدەنتتىڭ بۇرىنعى كەڭەسشىسى ولجاس قۇدايبەرگەنوۆ ۇلتتىق قۇرامانىڭ باس باپكەرى ستانيسلاۆ چەرچەسوۆ تۋرالى ءوز پىكىرىن ءبىلدىردى، دەپ حابارلايدى «ادىرنا» ءتىلشىسى
«قازاقستاننىڭ فۋتزال مەن فۋتبولدان ەكى قۇراماسى بار. العاشقىسىن برازيليادان كەلگەن ريكاردو كاكا باسقارادى. ول قۇرامانى الەمدىك رەيتينگتە 4 ورىنعا دەيىن كوتەردى. بۇل — 33 جىلداعى ەڭ جاقسى جەتىستىك. ەشقانداي جانجال، اقىماق ءازىل مەن تاكاپپارلىق جوق، ەسەسىنە كەرەمەت ناتيجە بار. كۇنى كەشە كاكا كەلىسىمشارتىن تاعى 2 جىلعا ۇزارتتى. ابدەن لايىق! ال چەرچەسوۆتى قارايىق. ءوز ەلىندە سىيىسا الماپ ەدى، بىزگە كەلىپ تە جامان مىنەزىن كورسەتىپ جاتىر. تاكاپپارلانا ايتقان مالىمدەمەلەرىن ازىلگە بالاپ وتىر. ەشقانداي ناتيجە كورسەتپەدى. ونىڭ جاتتىقتىرۋىمەن ۇلتتىق قۇراما بىردە-ءبىر گول سوققان جوق. چەرچەسوۆتى نەگە ۇستاپ وتىر، تۇسىنىكسىز»،—دەدى قۇدايبەرگەنوۆ Facebook جەلىسىندەگى پاراقشاسىندا.
ەسكە سالايىق، بۇعان دەيىن ستانيسلاۆ چەرچەسوۆ ءباسپاسوز ءماسليحاتىندا وزىنە قازاق تىلىندە سۇراق قويعان تىلشىگە كەكەسىن جاۋاپ قاتقان بولاتىن. مينيسترلىك قوعام نارازىلىعىن نازارعا الا وتىرىپ، قازاقستان فۋتبول فەدەراتسياسىنان تۇسىنىكتەمە بەرۋدى تالاپ ەتتى. كوپ ۇزاماي چەرچەسوۆكە 200 اەك كولەمىندە (738 400 تەڭگە) ايىپپۇل سالىنعانى بەلگىلى بولدى.
