Prezıdenttiń burynǵy keńesshisi Oljas Qudaıbergenov ulttyq quramanyń bas bapkeri Stanıslav Cherchesov týraly óz pikirin bildirdi, dep habarlaıdy «Adyrna» tilshisi
«Qazaqstannyń fýtzal men fýtboldan eki quramasy bar. Alǵashqysyn Brazılııadan kelgen Rıkardo Kaka basqarady. Ol quramany álemdik reıtıngte 4 orynǵa deıin kóterdi. Bul — 33 jyldaǵy eń jaqsy jetistik. Eshqandaı janjal, aqymaq ázil men tákapparlyq joq, esesine keremet nátıje bar. Kúni keshe Kaka kelisimshartyn taǵy 2 jylǵa uzartty. Ábden laıyq! Al Cherchesovti qaraıyq. Óz elinde syıysa almap edi, bizge kelip te jaman minezin kórsetip jatyr. Tákapparlana aıtqan málimdemelerin ázilge balap otyr. Eshqandaı nátıje kórsetpedi. Onyń jattyqtyrýymen ulttyq qurama birde-bir gol soqqan joq. Cherchesovti nege ustap otyr, túsiniksiz»,—dedi Qudaıbergenov Facebook jelisindegi paraqshasynda.
Eske salaıyq, buǵan deıin Stanıslav Cherchesov baspasóz máslıhatynda ózine qazaq tilinde suraq qoıǵan tilshige kekesin jaýap qatqan bolatyn. Mınıstrlik qoǵam narazylyǵyn nazarǵa ala otyryp, Qazaqstan fýtbol federaııasynan túsinikteme berýdi talap etti. Kóp uzamaı Cherchesovke 200 AEK kóleminde (738 400 teńge) aıyppul salynǵany belgili boldy.
