توقاەۆ 12 ماۋسىم كۇنى يناۋگۋراتسيادا "ۇلتتىق قوعامدىق سەنىم كەڭەسىنىڭ العاشقى وتىرىسى تامىز ايىندا وتەدى" دەگەن. رەسمي اقپارات بويىنشا بۇگىنگى جيىن العاشقى وتىرىس ەمەس. الدىن-الا اقىلداسۋ. دەمەك، پرەزيدەنتتىڭ العاشقى ۋادەسى ورىندالمادى دەۋگە بولادى. بۇل - ءبىر. ەكىنشى - كەڭەس قۇرامىندا 44 ادام بار. قىزىعى ولاردىڭ قاتارىندا جىل باسىنان بەرى نارازىلىق شارالارىن ۇيىمداستىرىپ جۇرگەن "ويان، قازاقستان", "رەسپۋبليكا" سىندى ۇيىمداردىڭ (قدت ارينە شاقىرىلمايدى، ويتكەنى "ەكسترەميستىك" ۇيىم عوي) مۇشەلەرى نەمەسە جەتەكشىلەرى جوق. ەسەسىنە "مەن وياندىم" دەگەن اكتسياعا قاتىسىپ، ءبىر-ەكى اۋىز ءسوز ايتقان ءبىر ادام ءجۇر. اكتسيانىڭ ۇيىمداستىرۋشىلارى، نەگىزگى ينيتسياتورلارى كورىنبەيدى. بيلىك رۇقسات بەرىپ، ميتينگى وتكىزگەن ادام بار دا، رۇقسات سۇراپ، بىرنەشە رەت حات جازعان، بىراق ميتينگىگە شىعا الماي، وسى ماسەلە بويىنشا اكىمدىكتەرمەن سوتتاسىپ جۇرگەن ادامدار جوق. تاعى ءبىر ايتاتىنى - كوپ بالالى ايەلدەر دە بايقالمايدى. ءتىپتى، 44-ءتىڭ 5-ءى عانا ايەل. سوندا سەنىم كەڭەسى كىمنىڭ سەنىمىنە كىرمەك؟ وزگە مۇشەلەرىنە قاتىستى ەشتەڭە دەمەيمىن. بىراق كەڭەس سوڭعى بىرنەشە ايدا ءجيى قايتالانعان نارازىلىقتاردان سوڭ قۇرىلدى ەمەس پە؟ ال نارازىلىق جيىندارىن كوپ بالالى ايەلدەر جاسادى. ولاردىڭ اراسىنان وكىل تابىلمادى ما؟
نۇربەك ءتۇسىپحان
"ادىرنا" ۇلتتىق پورتالى
