فوتو: REUTERS
ۋكراينانىڭ كراماتورسك قالاسىندا رەيستىك ەكى اۆتوبۋسقا جاسالعان سوققىدان كەمىندە 30 ادام قازا تاۋىپ، 18 ادام جاراقات الدى، دەپ حابارلايدى "ادىرنا" ۇلتتىق پورتالى.
تاعى ءۇش ادام كراماتورسك قاۋىمىنداعى بەلەنكوە ەلدى مەكەنىن اتقىلاۋ سالدارىنان كوز جۇمعان. ۋكراينا دونەتسك وبلىسىنىڭ پروكۋراتۋراسى مەن وبلىستىق اسكەري اكىمشىلىگىنىڭ مالىمەتىنشە، وقيعا 8 قازان كۇنى تاڭەرتەڭ بولعان. سوققى كەزىندە اۆتوبۋستاردا جولاۋشىلار بولعان.
پروكۋراتۋرانىڭ الدىن الا مالىمەتىنە سايكەس، اۆتوبۋستارعا ۋمپب د-30 سن باسقارىلاتىن اۆياتسيالىق بومبالارى قولدانىلعان بولۋى مۇمكىن. شابۋىلدان كەيىن كراماتورسك پەن سلاۆيانسك قالالارىنداعى قوعامدىق كولىكتىڭ جۇمىسى ۋاقىتشا توقتاتىلدى.
سونداي-اق 8 قازاندا كيەۆ قالاسىندا دا سوققىلار تىركەلدى. قالا بيلىگىنىڭ مالىمەتىنشە، شابۋىل سالدارىنان ءۇش ادام قازا تاۋىپ، 14 ادام جاراقات العان. ولاردىڭ سەگىزى اۋرۋحاناعا جەتكىزىلگەن، ەكەۋىنىڭ جاعدايى اۋىر.
ۋكراينا تاراپى شابۋىلدارعا بايلانىستى رەسەي اسكەرىن ايىپتادى. ماسكەۋ بۇل اقپاراتقا قاتىستى ازىرگە تۇسىنىكتەمە بەرگەن جوق.
