Toqaev 12 maýsym kúni ınaýgýraııada "Ulttyq qoǵamdyq senim keńesiniń alǵashqy otyrysy tamyz aıynda ótedi" degen. Resmı aqparat boıynsha búgingi jıyn alǵashqy otyrys emes. Aldyn-ala aqyldasý. Demek, prezıdenttiń alǵashqy ýádesi oryndalmady deýge bolady. Bul - bir. Ekinshi - keńes quramynda 44 adam bar. Qyzyǵy olardyń qatarynda jyl basynan beri narazylyq sharalaryn uıymdastyryp júrgen "Oıan, Qazaqstan", "Respýblıka" syndy uıymdardyń (QDT árıne shaqyrylmaıdy, óıtkeni "ekstremıstik" uıym ǵoı) músheleri nemese jetekshileri joq. Esesine "Men Oıandym" degen akııaǵa qatysyp, bir-eki aýyz sóz aıtqan bir adam júr. Akııanyń uıymdastyrýshylary, negizgi ınııatorlary kórinbeıdi. Bılik ruqsat berip, mıtıngi ótkizgen adam bar da, ruqsat surap, birneshe ret hat jazǵan, biraq mıtıngige shyǵa almaı, osy másele boıynsha ákimdiktermen sottasyp júrgen adamdar joq. Taǵy bir aıtatyny - kóp balaly áıelder de baıqalmaıdy. Tipti, 44-tiń 5-i ǵana áıel. Sonda senim keńesi kimniń senimine kirmek? Ózge múshelerine qatysty eshteńe demeımin. Biraq keńes sońǵy birneshe aıda jıi qaıtalanǵan narazylyqtardan soń quryldy emes pe? Al narazylyq jıyndaryn kóp balaly áıelder jasady. Olardyń arasynan ókil tabylmady ma?
Nurbek TÚSIPHAN
"Adyrna" ulttyq portaly
