Toqaev 12 mausym künı inaugurasiiada "Ūlttyq qoǧamdyq senım keŋesınıŋ alǧaşqy otyrysy tamyz aiynda ötedı" degen. Resmi aqparat boiynşa bügıngı jiyn alǧaşqy otyrys emes. Aldyn-ala aqyldasu. Demek, prezidenttıŋ alǧaşqy uädesı oryndalmady deuge bolady. Būl - bır. Ekınşı - keŋes qūramynda 44 adam bar. Qyzyǧy olardyŋ qatarynda jyl basynan berı narazylyq şaralaryn ūiymdastyryp jürgen "Oian, Qazaqstan", "Respublika" syndy ūiymdardyŋ (QDT ärine şaqyrylmaidy, öitkenı "ekstremistık" ūiym ǧoi) müşelerı nemese jetekşılerı joq. Esesıne "Men Oiandym" degen aksiiaǧa qatysyp, bır-ekı auyz söz aitqan bır adam jür. Aksiianyŋ ūiymdastyruşylary, negızgı inisiatorlary körınbeidı. Bilık rūqsat berıp, mitingı ötkızgen adam bar da, rūqsat sūrap, bırneşe ret hat jazǧan, bıraq mitingıge şyǧa almai, osy mäsele boiynşa äkımdıktermen sottasyp jürgen adamdar joq. Taǧy bır aitatyny - köp balaly äielder de baiqalmaidy. Tıptı, 44-tıŋ 5-ı ǧana äiel. Sonda senım keŋesı kımnıŋ senımıne kırmek? Özge müşelerıne qatysty eşteŋe demeimın. Bıraq keŋes soŋǧy bırneşe aida jiı qaitalanǧan narazylyqtardan soŋ qūryldy emes pe? Al narazylyq jiyndaryn köp balaly äielder jasady. Olardyŋ arasynan ökıl tabylmady ma?
Nūrbek TÜSIPHAN
"Adyrna" ūlttyq portaly
