اقش-تا قاماۋدا وتىرعان سيليا فلورەس جۇرەك تالماسىنا ۇشىراعان، دەپ حابارلايدى “ادىرنا”.
بۇل تۋرالى Associated Press اگەنتتىگى حابارلادى.
ول — ۆەنەسۋەلانىڭ بۇرىنعى پرەزيدەنتى نيكولاس مادۋرونىڭ جۇبايى. ادۆوكاتتارى ونىڭ دەنساۋلىعىنا بايلانىستى الاڭداۋشىلىق ءبىلدىرىپ، تۇرمە جاعدايىندا قاجەتتى مەديتسينالىق كومەك كورسەتۋ قيىن ەكەنىن ايتتى. قورعاۋ تاراپى 69 جاستاعى ايەلدى نيۋ-يوركتەگى ۇيگە تاۋلىك بويى كۇزەتپەن ورنالاستىرۋدى سۇراپ وتىر.
ادۆوكاتتاردىڭ ايتۋىنشا، فلورەس قاماۋدا بولعان كەزەڭدە شامامەن 11 كەلى سالماق جوعالتقان. ول باس اينالۋ، السىزدىك جانە تىنىس الۋدىڭ قيىنداۋىنا شاعىمدانعان. سونداي-اق وعان جۇرەگىنە وپەراتسيا قاجەت بولۋى مۇمكىن ەكەنى ايتىلعان.
قورعاۋ تاراپىنىڭ مالىمەتىنشە، فلورەس اقش اسكەري وپەراتسياسى كەزىندە جاراقات العان. دەنەسىندە جازىلمايتىن تىرتىقتار قالعانى دا ايتىلدى.
فلورەستىڭ ءىسى بويىنشا كەزەكتى سوت وتىرىسى بەيسەنبى كۇنى وتەدى. قورعاۋشىلارى ونىڭ تۇرمەدەن بوساتىلىپ، ۇيقاماققا اۋىستىرىلۋىن سۇراماق.
بۇعان دەيىن اقش فەدەرالدى پروكۋرورلارى نيكولاس مادۋرو مەن سيليا فلورەسكە ۆەنەسۋەلا تۇرمەلەرىندە امەريكالىق ازاماتتاردى ازاپتاۋعا قاتىستى جاڭا ايىپتار تاعۋدى كوزدەپ وتىرعانى حابارلانعان.
