اتىراۋ قالاسىنىڭ جاڭا New City تۇرعىن ءۇي كەشەنىنىڭ تۇرعىندارى سۋ ماسەلەسىنە بايلانىستى ميتينگكە شىقتى، دەپ حابالايدى «ادىرنا» ۇلتتىق پورتالى.
2021 جىلى پايدالانۋعا بەرىلگەن بۇل كەشەندە ءۇش مىڭنان استام ادام تۇرادى. جىل بويى سۋ تاپشىلىعىن كورگەن تۇرعىندار سوڭعى كۇندەرى سۋ مۇلدەم توقتاپ قالعان ايتتى. اشىنعان حالىق بيلىكتەن ماسەلەنى تەز ارادا شەشۋدى تالاپ ەتتى.
سۋ تەك تۇرعىن ۇيلەردە عانا ەمەس، جاقىن ماڭداعى بالاباقشادا دا جوق. كوپتەگەن اتا-انا تۇستەن كەيىن جۇمىسىن تاستاپ، بالالارىن ۇيگە الىپ كەتۋگە ءماجبۇر. تۇرعىندار بىرنەشە رەت مەملەكەتتىك ورگاندارعا شاعىمدانعان، بىراق ەش ناتيجە شىقپاعان.
اكىمدىكتىڭ مالىمەتىنشە، وسى كەشەننىڭ ءۇش سۋ كوتەرگىش سورعىسىنىڭ ەكەۋى جازدا جەر استى سۋلارىنىڭ كوتەرىلۋىنە بايلانىستى ىستەن شىققان. ەكى سورعى قالپىنا كەلتىرىلگەن، بىراق ورناتۋ كەزىندە گيدروۋدار بولىپ، ولار قايتا بۇزىلعان.
قالالىق قۇرىلىس باسقارماسىنىڭ باسشىسى نۇربولات بۇلەكوۆ تۇرعىن ءۇي كەشەنىندە گيدروۋداردى بولدىرماۋ ءۇشىن ارنايى بلوكتار ورناتىلاتىنىن ۋادە ەتتى.
