Atyraý qalasynyń jańa New City turǵyn úı kesheniniń turǵyndary sý máselesine baılanysty mıtıngke shyqty, dep habalaıdy «Adyrna» ulttyq portaly.
2021 jyly paıdalanýǵa berilgen bul keshende úsh myńnan astam adam turady. Jyl boıy sý tapshylyǵyn kórgen turǵyndar sońǵy kúnderi sý múldem toqtap qalǵan aıtty. Ashynǵan halyq bılikten máseleni tez arada sheshýdi talap etti.
Sý tek turǵyn úılerde ǵana emes, jaqyn mańdaǵy balabaqshada da joq. Kóptegen ata-ana tústen keıin jumysyn tastap, balalaryn úıge alyp ketýge májbúr. Turǵyndar birneshe ret memlekettik organdarǵa shaǵymdanǵan, biraq esh nátıje shyqpaǵan.
Ákimdiktiń málimetinshe, osy keshenniń úsh sý kótergish sorǵysynyń ekeýi jazda jer asty sýlarynyń kóterilýine baılanysty isten shyqqan. Eki sorǵy qalpyna keltirilgen, biraq ornatý kezinde gıdroýdar bolyp, olar qaıta buzylǵan.
Qalalyq qurylys basqarmasynyń basshysy Nurbolat Búlekov turǵyn úı kesheninde gıdroýdardy boldyrmaý úshin arnaıy bloktar ornatylatynyn ýáde etti.
