قىرعىزستانداعى «اق-جول» باقىلاۋ-وتكىزۋ بەكەتىندە قازاقستاننان رەسپۋبليكاعا جانار-جاعارماي تاسىمالداپ كەلە جاتقان التى جول تالعامايتىن كولىك پەن ءبىر اۆتوبۋس ۇستالدى، دەپ حابارلايدى «ادىرنا» ۇلتتىق پورتالى.
قىرعىز رەسپۋبليكاسىنىڭ جول قوزعالىسى قاۋىپسىزدىگى باس باسقارماسى رەسپۋبليكا اۋماعىندا 16 قازان مەن 20 قازان ارالىعىندا «قوسىمشا تەحنيكا» رەيدىنىڭ اياسىندا قازاقستان مەن قىرعىزستان ەلدەرى اراسىنداعى «اق-جول» وتكىزۋ بەكەتى ارقىلى وتەتىن كولىك قۇرالدارىن تەكسەرۋدە.
«رەيد بارىسىندا قوسىمشا جانارماي قۇيىلعان التى Toyota Land Cruiser جول تالعامايتىن كولىگى مەن ءبىر جولاۋشىلار اۆتوبۋسى انىقتالدى»، - دەلىنگەن مالىمدەمەدە.
قوسىمشا تسيستەرنانى زاڭسىز ورناتىپ، جانارماي تاسىمالداعانى ءۇشىن كورشى ەلدە ءىس قوزعالدى. جينالعان بارلىق ماتەريالدار تەرگەۋ قىزمەتىنە جىبەرىلىپ، كولىكتەر ايىپپۇل تۇراعىنا قويىلدى.
