قازاقستان قۇراماسىنىڭ باس باپكەرى ستانيسلاۆ چەرچەسوۆ «سە» باسىلىمىنا بەرگەن سۇحباتىندا ءباسپاسوز ءماسليحاتىندا قازاقستاندىق جۋرناليسكە ايتقان ء"ازىل" دەپ تۇسىندىرگەن ارەكەتىنە قاتىستى پىكىرىمەن ءبولىستى، - دەپ حابارلايدى «ادىرنا» ۇلتتىق پورتالى.
چەرچەسوۆ بۇعان قاتىستى العاش رەت پىكىر ءبىلدىردى.
«مەن كوپشىلىك الدىندا سويلەگەن سايىن، نەنى ايتىپ تۇرعانىمدى تۇسىنەمىن. ەگەر ولار مەنىڭ ءازىلىمدى تۇسىنبەسە، بۇل مەنىڭ قاتەلەسكەنىمدى بىلدىرەدى»، - دەدى چەرچەسوۆ.
ەستەرىڭىزگە سالا كەتەيىك، ۇلتتار ليگاسى اياسىندا سلوۆەنيامەن وتكەن ماچتان كەيىنگى ءباسپاسوز كونفەرەنتسياسىندا جۋرناليست ستانيسلاۆ چەرچەسوۆكە قازاق تىلىندە سۇراق قويعان ەدى. الايدا باس باپكەر «سەن قاي تىلدە سويلەپ تۇرسىڭ – فرانتسۋزشا ما؟» دەپ ازىلدەگەن سىڭاي تانىتتى. وسىدان كەيىن ەل پارلامەنتىنىڭ دەپۋتاتتارى جاعدايعا توقتالىپ، قازاقستان رەسپۋبليكاسىنا جۇمىس ىستەۋگە كەلگەندەر قازاق ءتىلىن قۇرمەتتەۋ كەرەكتىگىن ايتتى. ناتيجەسىندە باپكەرگە ايىپپۇل سالىندى.
چەرچەسوۆتىڭ باسشىلىعىمەن ۇلتتىق قۇراما ءتورت ماتچ وتكىزدى. ولاردىڭ بىرەۋى تەڭ ناتيجەمەن اياقتالسا، قالعان ۇشەۋىندە جەڭىلىسكە ۇشىرادى.
