تانىمال جۋرناليست، ۇلتتىق راديومىزدىڭ مايتالمانى جانار ورازىمبەت ءوزىنىڭ فەيسبۋك پاراقشاسىندا قۇنداقتاعى بالا تاربيەسىنە قاتىسى كەڭەس ايتىپ، ونىڭ بويىنا ۇلتتىق قۇندىلىقتاردى ءسىڭىرۋ ەرەكشەلىكتەرىمەن ءبولىستى. بۇل جايلى "ادىرنا" ۇلتتىق پورتالى جازدى.
"قازاق", "شالقار" راديوسىندا ۇلتتىق رۋحانياتىمىز، تاريحىمىز بەن ءتىلىمىز جايىندا بىرقاتار حابارلاردى تىزگىندەپ كەلە جاتقان جۋرناليست جانار ورازىمبەت بالا ءتىلىنىڭ قازاقشا شىعۋى مەن ۇلتتىق قۇندىلىقتار جەتەگىندە ءتالىم-تاربيە الۋىنا بايلانىستى قىزىقتى وقيعاسىمەن ءبولىستى.
- مەنىڭ نەمەرەمنىڭ قۇلاعىنا قازاقشا ءان مەن كۇيدى سىڭىرە بەرسەم دەگەن نيەتىم ازداپ بولسا دا جۇزەگە اسا باستاعان سياقتى. تۋا سالعاننان "بالا-بالا بالادان، تاۋىپ العان دالاداننان" باستاپ ءبىرتالاي حالىق اندەرىن ايتىپ، الديلەدىم. نەمەرەم ەمحانادا جاتقان عوي. ۆيدەو ارقىلى حابارلاسسام، "قوشاقانىم، قاداسىڭ؟" دەپ سايراپ تۇر. ورىسشا، اعىلشىنشا مۋلتيك كورەتىن بالالار قازاقشا ءان ايتپايدى دەپ كىم ايتتى، ال؟! قۇلاعىنا قۇيا بەرسەڭ، ايتادى ەكەن. كوردىڭىزدەر مە، ءتىپتى، ءتىلى ءالى انىق شىقپاعان الان ءان ايتا باستادى عوي. بۇل عانا ەمەس، ونىڭ رەپەرتۋارىندا تاعى بىرنەشە ءانى بار، - دەپ جازدى اۆتور.
جانار ورازىمبەتتىڭ پايىمداۋىنشا، ۇلتتىق راديومىزداعى حابارلاردى تىڭداپ وسكەن بالا دا ۇلتىن شەكسىز سۇيەر ازامات بولىپ جەتىلەدى. بۇعان قاتىستى:
- قىسقاسى، شالقاردى تىڭداپ جۇرسەڭىزدەرشى....لاجى بولماسا، كولىكتە قوسىپ قويىڭىز. ەڭ بولماسا، قۇلاعىندا قالادى عوي. قازاقتىڭ ءسوزى، ءۇنى، اۋەنى، - دەدى راديوجۋرناليست.
"ادىرنا" ۇلتتىق پورتالى
