Qazaqstan quramasynyń bas bapkeri Stanıslav Cherchesov «SE» basylymyna bergen suhbatynda baspasóz máslıhatynda qazaqstandyq jýrnalıske aıtqan "ázil" dep túsindirgen áreketine qatysty pikirimen bólisti, - dep habarlaıdy «Adyrna» ulttyq portaly.
Cherchesov buǵan qatysty alǵash ret pikir bildirdi.
«Men kópshilik aldynda sóılegen saıyn, neni aıtyp turǵanymdy túsinemin. Eger olar meniń ázilimdi túsinbese, bul meniń qateleskenimdi bildiredi», - dedi Cherchesov.
Esterińizge sala keteıik, Ulttar lıgasy aıasynda Slovenııamen ótken machtan keıingi baspasóz konferenııasynda jýrnalıst Stanıslav Cherchesovke qazaq tilinde suraq qoıǵan edi. Alaıda bas bapker «Sen qaı tilde sóılep tursyń – franýzsha ma?» dep ázildegen syńaı tanytty. Osydan keıin el parlamentiniń depýtattary jaǵdaıǵa toqtalyp, Qazaqstan Respýblıkasyna jumys isteýge kelgender qazaq tilin qurmetteý kerektigin aıtty. Nátıjesinde bapkerge aıyppul salyndy.
Cherchesovtyń basshylyǵymen ulttyq qurama tórt match ótkizdi. Olardyń bireýi teń nátıjemen aıaqtalsa, qalǵan úsheýinde jeńiliske ushyrady.
