وسىدان 85 جىل بۇرىن ەلىمىزدىڭ وڭتۇستىگىندە ورنالاسقان جامبىل وبلىسى قۇرىلدى، دەپ حابارلايدى «ادىرنا» ءتىلشىسى.
كەزىندە اۋليەاتا اتالعان بۇل ايماق 1934 جىلدىڭ 14 قازانىندا كسرو جوعارعى كەڭەسى تورالقاسىنىڭ جارلىعىمەن وڭتۇستىك قازاقستان جانە الماتى وبلىستارىنان بولىنگەن اۋدانداردان قۇرىلعان بولاتىن. بۇل شەشىم ولكەنىڭ وندىرگىش كۇشتەرىن شاپشاڭ دامىتۋ جانە ونى الەۋمەتتىك-مادەني تۇرعىدان تۇلەتۋ جونىندەگى ماسەلەلەردى شەشۋ ماقساتىندا قابىلداندى.
وبلىستىڭ قازىرگى اكىمشىلىك ورتالىعى – تاراز قالاسى. ول ءتۇستى مەتالدارعا، باريتكە، كومىرگە، قاپتايتىن، توسەيتىن جانە تەحنيكالىق ماقساتتاعى تاستارعا، قۇرىلىس ماتەريالدارىنا باي. جامبىلدا قازاق جانە ورىس دراما تەاترلارى، فيلارمونيا، 5 مۇراعات، كىتاپحانالار، كلۋبتار مەن مادەنيەت ۇيلەرى بار.
