Osydan 85 jyl buryn elimizdiń ońtústiginde ornalasqan Jambyl oblysy quryldy, dep habarlaıdy «Adyrna» tilshisi.
Kezinde Áýlıeata atalǵan bul aımaq 1934 jyldyń 14 qazanynda KSRO Joǵarǵy Keńesi Tóralqasynyń jarlyǵymen Ońtústik Qazaqstan jáne Almaty oblystarynan bólingen aýdandardan qurylǵan bolatyn. Bul sheshim ólkeniń óndirgish kúshterin shapshań damytý jáne ony áleýmettik-mádenı turǵydan túletý jónindegi máselelerdi sheshý maqsatynda qabyldandy.
Oblystyń qazirgi ákimshilik ortalyǵy – Taraz qalasy. Ol tústi metaldarǵa, barıtke, kómirge, qaptaıtyn, tóseıtin jáne tehnıkalyq maqsattaǵy tastarǵa, qurylys materıaldaryna baı. Jambylda qazaq jáne orys drama teatrlary, fılarmonııa, 5 muraǵat, kitaphanalar, klýbtar men mádenıet úıleri bar.
