"بورۋس" اۋە كومپانياسىنىڭ ان-3 ۇشاعى ياكۋتياداعى ولەكمينسك قالاسىنىڭ ماڭىندا اپاتتى قونۋ جاسادى. ۇشاق بورتىندا ءۇش ەكيپاج مۇشەسى مەن ەكى جولاۋشى بولعان، ولاردىڭ بىرەۋى قايتىس بولدى، دەپ حابارلايدى «ادىرنا» ۇلتتىق پورتالى وڭىردەگى تجم-نىڭ ءباسپاسوز قىزمەتىنە سىلتەپ.
شىعىس ءسىبىر كولىك پروكۋراتۋراسىنىڭ مالىمەتىنشە، ۇشاق جەرگىلىكتى ۋاقىت بويىنشا شامامەن 08:29-دا (ماسكەۋ ۋاقىتىمەن 02:29) 1,5 كم قاشىقتىقتا ولەكمينسك اەرودرومىنىڭ جانىندا قونعان. الدىن الا مالىمەتتەرگە سايكەس، ۇشاق قۇلاۋىنا قوزعالتقىشتىڭ تارتۋ كۇشىن جوعالتۋى سەبەپ بولعان.
قازىرگى ۋاقىتتا اپاتتىڭ سەبەپتەرى انىقتالۋدا. ياكۋتيا كولىك پروكۋراتۋراسى ۇشۋ قاۋىپسىزدىگىنە قاتىستى تەكسەرۋ جۇمىستارىن جۇرگىزۋدە.
Baza Telegram-ارناسىنىڭ حابارلاۋىنشا، ۇشاق ولەكمينسك اۋەجايىنان ۇشىپ شىققان كەزدە قوزعالتقىشى ىستەن شىققان. پيلوت شۇعىل قونۋ تۋرالى شەشىم قابىلداعانىمەن، اۋەجايعا جەتپەي، 1,5 كم جەردە قۇلاعان.
