"Borýs" áýe kompanııasynyń An-3 ushaǵy Iakýtııadaǵy Olekmınsk qalasynyń mańynda apatty qoný jasady. Ushaq bortynda úsh ekıpaj múshesi men eki jolaýshy bolǵan, olardyń bireýi qaıtys boldy, dep habarlaıdy «Adyrna» ulttyq portaly óńirdegi TJM-nyń baspasóz qyzmetine siltep.
Shyǵys Sibir kólik prokýratýrasynyń málimetinshe, ushaq jergilikti ýaqyt boıynsha shamamen 08:29-da (Máskeý ýaqytymen 02:29) 1,5 km qashyqtyqta Olekmınsk aerodromynyń janynda qonǵan. Aldyn ala málimetterge sáıkes, ushaq qulaýyna qozǵaltqyshtyń tartý kúshin joǵaltýy sebep bolǵan.
Qazirgi ýaqytta apattyń sebepteri anyqtalýda. Iakýtııa kólik prokýratýrasy ushý qaýipsizdigine qatysty tekserý jumystaryn júrgizýde.
Baza Telegram-arnasynyń habarlaýynsha, ushaq Olekmınsk áýejaıynan ushyp shyqqan kezde qozǵaltqyshy isten shyqqan. Pılot shuǵyl qoný týraly sheshim qabyldaǵanymen, áýejaıǵa jetpeı, 1,5 km jerde qulaǵan.
