الماتى وبلىسىنىڭ اكىمى مارات سۇلتانعازيەۆ شەرزات بولاتتىڭ تۋىستارى ۋاقىتشا باسپانادان باس تارتقانىن ايتتى، دەپ حابارلايدى “ادىرنا” ۇلتتىق پورتالى.
اكىم ەڭبەكشىقازاق اۋدانى ازات اۋىلىنداعى ورتكە جانە تالعار اۋدانىنداعى قايعىلى جاعدايعا بايلانىستى جەدەل شتاب وتىرىسىن وتكىزدى.
ء"بىز مارقۇمنىڭ وتباسىنا كومەكتەسۋ ءۇشىن بار كۇشىمىزدى سالامىز. جاعداي باقىلاۋدا، بارلىق قۇقىق قورعاۋ ورگاندارى كۇشەيتىلگەن رەجيمدە جۇمىس ىستەپ جاتىر. زاڭدىلىقتى قامتاماسىز ەتۋ ءۇشىن شۇعىل شارالار قابىلداۋ قاجەت. بارلىق كىنالىلەر جاۋاپقا تارتىلادى", – دەدى مارات سۇلتانعازيەۆ.
وبلىس اكىمى جاۋاپتىلارعا ورتەنگەن ءۇيدى تولىق قالپىنا كەلتىرۋدى تاپسىردى.
"سونىمەن قاتار وتباسىنا ماتەريالدىق جانە پسيحولوگيالىق كومەك كورسەتىلەدى", – دەپ اتاپ ءوتتى اكىم.
اكىمدىكتىڭ مالىمەتىنشە، زارداپ شەگۋشىلەردىڭ اتا-اناسىنىڭ باسپاناسى بولعاندىقتان، ۇسىنىلعان كومەكتەن باس تارتقان.
