الماتى وبلىسى، تۇزدىباستاۋ اۋىلىنداعى اۋىز سۋ ماسەلەسى شەشىمىن تاپپاي، تۇرعىندار باس كوتەردى، دەپ حابارلايدى “ادىرنا” ۇلتتىق پورتالى. بۇل تۋرالى اۋىل تۇرعىنى بانۋ داۋلەتباەۆا Facebook جەلىسىندە جازدى.
بانۋ داۋلەتباەۆانىڭ جازۋىنشا جەرگىلىكتى اكىمشىلىك جەكە كومپانياعا، ول جەكە كومپانيا اكىمشىلىككە سىلتەپ كەلە جاتقانىنا تالاي جىلدىڭ ءجۇزى بولعان.
“ەندى ماسەلە شەشىلمەسە ەڭ كوپ كولىك جۇرەتىن تالعار تاس جولىن جاۋىپ، بيلىكتىڭ نازارىن اۋدارعىسى كەلەدى. ءدال قازىر ءبارى جينالىپ تۇر!” دەپ جازدى ول.
وزگە دە دەرەكتەر ازىرگە بەلگىسىز.
