Almaty oblysynyń ákimi Marat Sultanǵazıev Sherzat Bolattyń týystary ýaqytsha baspanadan bas tartqanyn aıtty, dep habarlaıdy “Adyrna” ulttyq portaly.
Ákim Eńbekshiqazaq aýdany Azat aýylyndaǵy órtke jáne Talǵar aýdanyndaǵy qaıǵyly jaǵdaıǵa baılanysty jedel shtab otyrysyn ótkizdi.
"Biz marqumnyń otbasyna kómektesý úshin bar kúshimizdi salamyz. Jaǵdaı baqylaýda, barlyq quqyq qorǵaý organdary kúsheıtilgen rejımde jumys istep jatyr. Zańdylyqty qamtamasyz etý úshin shuǵyl sharalar qabyldaý qajet. Barlyq kináliler jaýapqa tartylady", – dedi Marat Sultanǵazıev.
Oblys ákimi jaýaptylarǵa órtengen úıdi tolyq qalpyna keltirýdi tapsyrdy.
"Sonymen qatar otbasyna materıaldyq jáne psıhologııalyq kómek kórsetiledi", – dep atap ótti ákim.
Ákimdiktiń málimetinshe, zardap shegýshilerdiń ata-anasynyń baspanasy bolǵandyqtan, usynylǵan kómekten bas tartqan.
