بۇگىن سەناتور جاننا اسانوۆا نەكەگە دايىندىقتى مەكتەپ جاسىنان باستاۋدى ۇسىندى، "ادىرنا" ۇلتتىق پورتالى.
سەناتوردىڭ ايتۋىنشا، جاستار نەكەگە وتىرعانىمەن، تۇرمىستىق شارۋالاردى اتقارا المايدى. مۇنىڭ ءبارى تۇرمىستىق جانجالعا اپارىپ سوعادى.
"قازىر بالالاردىڭ تۇتاس ءبىر بۋىنىنىڭ اكەسى نەمەسە شەشەسى جوق. قازاقستاندا شامامەن ءبىر جىلدا نەكەلەردىڭ جارتىسى اجىراسۋمەن اياقتالادى. تەندەنتسيا تۇراقتى. ءتىپتى ءوسىپ بارادى. 2021 جىلى 141 مىڭ وتباسىنىڭ 60 مىڭى اجىراسسا، 2024 جىلى 125 مىڭ نەكەنىڭ 61 مىڭى اجىراسىپ كەتكەنىن كورىپ وتىرمىز. مۇنداي تەندەنتسيانى توقتاتۋ ءۇشىن كوڭىل ءبولۋىمىز كەرەك", – دەيدى ول.
سەناتور وتباسى ينستيتۋتىن دامىتۋ كەرەگىن ايتتى.
ء"بىز وتباسى ينستيتۋتىن دامىتۋىمىز كەرەك. الايدا قازىر اتا-انالاردىڭ كوبى بالالاردى وقىتۋعا، تولىق داعدىعا ۇيرەتۋگە مۇمكىندىك تاپپاي جاتادى. وسىعان بايلانىستى الدىن الۋ شارالارىن قابىلداۋ كەرەك. ول ءۇشىن سەناتور ورتا جانە جوعارى سىنىپ وقۋشىلارىنا ومىرلىك قاجەتتىلىگى بار داعدىلارعا ۇيرەتۋ كەرەك. تىگىن تىگۋ، تاماق ءپىسىرۋ، تاس قالاۋ، ءۇي جوندەۋ، تۇرمىستىق تەحنيكالاردى جوندەۋ، العاشقى مەديتسينالىق كومەك، توتەنشە جاعدايلارداعى داعدى، ءوزىن-ءوزى قورعاۋ، قارجىلىق ساۋاتتىلىق – ءبارىن ۇيرەتۋ كەرەك. مۇنىڭ ءبارى بالالارعا ءوزىن دامىتۋعا كومەكتەسەدى", – دەيدى ول.
