ەلىمىزدە اسكەردەن قاشقاندارعا ءۇش جارىم ميلليون تەڭگە ايىپپۇل سالىنۋى مۇمكىن، دەپ حابارلايدى "ادىرنا" ۇلتتىق پورتالى.
ينفورمبيۋرو مالىمەتىنشە، اسكەردەن قاشقانداردىڭ ۇستىنەن قىلمىستىق ءىس قوزعالۋى مۇمكىن.
قورعانىس مينيسترلىگى اسكەر قاتارىنا شاقىرىلعان بارلىق ازامات اسكەري كوميسسارياتقا كەلۋگە مىندەتتى ەكەنىن حابارلادى. قازىر جۇرگىزىلىپ جاتقان كۇزگى ناۋقاندا وتان الدىنداعى بورىشىن وتەۋى ءتيىس ازاماتتارعا شاقىرۋ قاعازى حات تۇرىندە جانە SMS-پەن جولدانىپ جاتىر.
ولاردىڭ جۇمىس پەن وقۋ ورىندارىنا دا حابارلاما بەرىلگەن. ال شاقىرۋدى جەكە وزىنە تاپسىرۋ مۇمكىن ەمەس ازاماتتار اسكەري كوميسسارياتقا ىشكى ىستەر ورگاندارىنىڭ كومەگىمەن جەتكىزىلەدى.
