تالعاردا ءجاسوسپىرىمدى ءولتىرۋ ءىسى بويىنشا جابىرلەنۋشىلەردىڭ ءۇيىن ورتەۋ فاكتىسىنە قاتىستى قىلمىستى اشۋ ءۇشىن ۆەدومستۆوارالىق جەدەل-تەرگەۋ توبى قۇرىلدى، دەپ حابارلايدى "ادىرنا" ۇلتتىق پورتالى.
باس پروكۋراتۋرانىڭ مالىمەتىنشە، قىلمىستىق iس قازاقستان رەسپۋبليكاسى باس پروكۋرورىنىڭ باقىلاۋىنا الىندى.
"تالعاردا ءجاسوسپىرىمدى ءولتىرۋ ءىسى بويىنشا جابىرلەنۋشىلەردىڭ ءۇيىن ورتەۋ فاكتىسىنە قاتىستى 2024 جىلعى 12 قازاندا باس پروكۋراتۋرانىڭ باسشىلىعىمەن قىلمىستى اشۋ ءۇشىن ۆەدومستۆوارالىق جەدەل-تەرگەۋ توبى قۇرىلدى. كىنالىلەردى اشكەرەلەۋ ءۇشىن بارلىق شارالار قابىلدانادى", - دەلىنگەن حابارلامادا.
ءبۇگىن الماتى وبلىسىنداعى شەرزات بولاتتىڭ ءۇيى ورتەنىپ كەتكەنى تۋرالى اقپارات جاريالاندى. تالعارداعى توبەلەس 16 جاستاعى ءجاسوسپىرىمنىڭ ولىمىمەن اياقتالعان ەدى.
