تۇركيا پرەزيدەنتى رەجەپ ەردوعان ايەل ادامعا جاسالعان شابۋىلعا قارسى شارا قولدانۋعا، قىلمىسكەرلەردى جازالاۋ جۇيەسىن قاتايتۋعا ۋادە بەردى، دەپ حابارلايدى “ادىرنا” ۇلتتىق پورتالى.
Azathabar.com مالىمەتىنشە، تۇركيادا ايەلدەرگە جاسالعان اياۋسىز شابۋىلداردان كەيىن حالىقتىڭ نارازىلىق تولقىنى كۇشەيگەن.
تۇركيادا ايەل ادامعا قاتىستى زورلىق-زومبىلىق پەن قىلمىستار جيىلەگەن. دەرەكتەرگە سۇيەنسەك، بيىلعى جىلدىڭ باسىنان بەرى 300-گە جۋىق ايەل كىسى قولىنان قازا تاپقان.
تۇركيادا بىرەر اپتا بۇرىن 19 جاستاعى قاساپشىنىڭ ايەلدىڭ باسىن كەسىپ الىپ، ايۋاندىقپەن ولتىرگەنى ەلدى شۋلاتىپ، قوعامدىق رەزونانس تۋدىرعان. كەيىننەن ءدال سول كۇنى ونىڭ تاعى ءبىر ايەلدى باۋىزداپ ولتىرگەنى انىقتالعان.
وتكەن ايدا 26 جاستاعى پوليتسەي ايەلدى ءولتىرۋ، ودان دا وزگە قىلمىستار حالىقتىڭ نارازىلىعىن تۋدىرعان. ازاماتتار بىرنەشە ايىپ تاعىلعان قىلمىسكەرلەرگە قىلمىسىن جالعاستىرۋعا مۇمكىندىك بەرەتىن جازاسىزدىقتى توقتاتۋدى تالاپ ەتىپ، پىكىر بىلدىرۋدە.
ال تۇركيا پرەزيدەنتى ەردوعان جاعدايعا الاڭداۋشىلىق ءبىلدىرىپ، قىلمىستىق جۇيەنى قايتا قاراۋعا ۋادە بەردى.
