الماتى وبلىسىنىڭ اكىمدىگى مارقۇم شەرزات بولاتتىڭ وتباسىنا باسپانالى بولۋعا كومەكتەسەتىنىن ايتتى، دەپ حابارلايدى “ادىرنا” ۇلتتىق پورتالى.
اكىمدىك مارقۇمنىڭ وتباسىنىڭ باسپاناسىن قالپىنا كەلتىرۋگە كومەكتەسەتىن بولدى.
"الماتى وبلىسىنىڭ اكىمدىگى شەرزات بولاتتىڭ وتباسىنا ورتتەن زارداپ شەككەن ۇيلەرىن قالپىنا كەلتىرۋگە كومەكتەسەدى. سونىمەن قاتار قالپىنا كەلتىرۋ جۇمىستارى كەزىندە ولارعا ۋاقىتشا باسپانا بەرىلەدى", – دەلىنگەن حابارلامادا.
ودان بولەك، پد Instagram-داعى رەسمي پاراقشاسىندا جاريالانعان اقپاراتقا سايكەس، ءتارتىپ ساقشىلارى تاۋلىك بويى شەرزاتتىڭ وتباسى باقىلاۋدا بولادى.
"كەلىپ تۇسكەن ارىزعا سايكەس، 4 قازانعا قاراعان ءتۇنى تالعار اۋدانىندا قازا تاپقان كامەلەتكە تولماعان بالانىڭ وتباسى كۇزەتپەن قامتاماسىز ەتىلدى. وتباسىنىڭ تۇرعىلىقتى جەرى بويىنشا قاۋىپسىزدىكتى قامتاماسىز ەتۋ ءۇشىن پوليتسيا قىزمەتكەرلەرىنىڭ تارابىنان تاۋلىك بويى كەزەكشىلىك ۇيىمداستىرىلدى", - دەلىنگەن پوليتسيا حابارلاماسىندا.
