Elimizde áskerden qashqandarǵa úsh jarym mıllıon teńge aıyppul salynýy múmkin, dep habarlaıdy "Adyrna" ulttyq portaly.
Informbıýro málimetinshe, áskerden qashqandardyń ústinen qylmystyq is qozǵalýy múmkin.
Qorǵanys mınıstrligi ásker qataryna shaqyrylǵan barlyq azamat áskerı komıssarıatqa kelýge mindetti ekenin habarlady. Qazir júrgizilip jatqan kúzgi naýqanda Otan aldyndaǵy boryshyn óteýi tıis azamattarǵa shaqyrý qaǵazy hat túrinde jáne SMS-pen joldanyp jatyr.
Olardyń jumys pen oqý oryndaryna da habarlama berilgen. Al shaqyrýdy jeke ózine tapsyrý múmkin emes azamattar áskerı komıssarıatqa ishki ister organdarynyń kómegimen jetkiziledi.
