Talǵarda jasóspirimdi óltirý isi boıynsha jábirlenýshilerdiń úıin órteý faktisine qatysty qylmysty ashý úshin vedomstvoaralyq jedel-tergeý toby quryldy, dep habarlaıdy "Adyrna" ulttyq portaly.
Bas prokýratýranyń málimetinshe, qylmystyq is Qazaqstan Respýblıkasy Bas Prokýrorynyń baqylaýyna alyndy.
"Talǵarda jasóspirimdi óltirý isi boıynsha jábirlenýshilerdiń úıin órteý faktisine qatysty 2024 jylǵy 12 qazanda Bas prokýratýranyń basshylyǵymen qylmysty ashý úshin vedomstvoaralyq jedel-tergeý toby quryldy. Kinálilerdi áshkereleý úshin barlyq sharalar qabyldanady", - delingen habarlamada.
Búgin Almaty oblysyndaǵy Sherzat Bolattyń úıi órtenip ketkeni týraly aqparat jarııalandy. Talǵardaǵy tóbeles 16 jastaǵy jasóspirimniń ólimimen aıaqtalǵan edi.
