ستوكگولمدەگى نوبەل كوميتەتى ادەبيەت سالاسىنداعى لاۋرەاتتىڭ ەسىمىن جاريالادى، دەپ حابارلايدى “ادىرنا” ۇلتتىق پورتالى.
بيىل ادەبيەت بويىنشا نوبەل سىيلىعى وڭتۇستىك كورەيانىڭ جازۋشىسى حان گانعا «تاريحي جاراقاتتارعا قارسى تۇرىپ، ادام ءومىرىنىڭ نازىكتىگىن اشىپ كورسەتەتىن باي پوەتيكالىق پروزاسى ءۇشىن» بەرىلدى.
نوبەل كوميتەتىنىڭ رەسمي مالىمدەمەسىندە حان گاننىڭ شىعارمالارى تاريحي قارسىلىقتار مەن بايقالمايتىن ەرەجەلەرگە قارسى تۇرىپ، ادام ءومىرىنىڭ نازىكتىگىن ەرەكشە ايقىندايتىنى ايتىلعان. جازۋشى ءتان مەن جان، ءتىرى مەن ءولى اراسىنداعى بايلانىستى تەرەڭ ءتۇسىنىپ، ءوزىنىڭ پوەتيكالىق جانە ەكسپەريمەنتالدى ستيلىمەن قازىرگى پروزاعا جاڭاشىلدىق اكەلگەن.
حان گان 1970 جىلى وڭتۇستىك كورەيانىڭ كۆاندجۋ قالاسىندا دۇنيەگە كەلىپ، توعىز جاسىندا وتباسىمەن سەۋلگە قونىس اۋدارعان. سىيلىق العان لاۋرەاتتىڭ اكەسى دە بەلگىلى جازۋشى بولعان. حان گان ادەبيەتپەن قاتار ونەر مەن مۋزىكاعا دا ەرەكشە كوڭىل بولگەن. جازۋشىنىڭ ونەرى ونىڭ بارلىق شىعارمالارىندا ايقىن كورىنىس تابادى.
