Stokgolmdegi Nobel komıteti ádebıet salasyndaǵy laýreattyń esimin jarııalady, dep habarlaıdy “Adyrna” ulttyq portaly.
Bıyl ádebıet boıynsha Nobel syılyǵy Ońtústik Koreıanyń jazýshysy Han Ganǵa «tarıhı jaraqattarǵa qarsy turyp, adam ómiriniń náziktigin ashyp kórsetetin baı poetıkalyq prozasy úshin» berildi.
Nobel komıtetiniń resmı málimdemesinde Han Gannyń shyǵarmalary tarıhı qarsylyqtar men baıqalmaıtyn erejelerge qarsy turyp, adam ómiriniń náziktigin erekshe aıqyndaıtyny aıtylǵan. Jazýshy tán men jan, tiri men óli arasyndaǵy baılanysty tereń túsinip, óziniń poetıkalyq jáne eksperımentaldy stılimen qazirgi prozaǵa jańashyldyq ákelgen.
Han Gan 1970 jyly Ońtústik Koreıanyń Kvandjý qalasynda dúnıege kelip, toǵyz jasynda otbasymen Seýlge qonys aýdarǵan. Syılyq alǵan laýreattyń ákesi de belgili jazýshy bolǵan. Han Gan ádebıetpen qatar óner men mýzykaǵa da erekshe kóńil bólgen. Jazýshynyń óneri onyń barlyq shyǵarmalarynda aıqyn kórinis tabady.
