اقمولا وبلىسىندا سۇرعان ستانساسىندا جۇك پويىزى رەلستەن شىعىپ كەتكەنى انىقتالدى، دەپ حابارلايدى “ادىرنا” ۇلتتىق پورتالى.
قتج اپاتتىڭ 9 قازان كۇنى 17:40 شاماسىندا بولعانىن حابارلادى. بۇگىن تاڭەرتەڭ پويىز قوزعالىسى قالپىنا كەلتىرىلگەن.
ەسىل-قۇسمۇرىن ۋچاسكەسىنىڭ سۇرعان ستانساسىندا ەلەكتروۆوز بەن جۇك پويىزىنىڭ ۆاگوندارى رەلستەن شىعىپ كەتكەن. زارداپ شەككەندەر جوق. كومپانيا وكىلدەرى وقيعانىڭ سەبەپتەرىن تەكسەرۋ ءۇشىن كوميسسيا جىبەرىلگەنىن مالىمدەدى.
جەلى وقىرماندارى وقيعاعا قاتىستى “اەس سالامىز دەيدى مە؟”، “رەلسپەن جۇرەتىن پويىزدىڭ ءوزىن قۇلاتىپ جاتىر، ءبىز اۆتوجولدا اۆاريا كوپ دەيمىز”، “ادامدار ساۋ ما؟” دەگەن سىندى پىكىر بىلدىرگەن.
سونداي-اق، 1 قازاننان باستاپ پويىز بيلەتتەرىنىڭ ءتاريفى كوتەرىلگەن بولاتىن. "جولاۋشىلار تاسىمالى" اق ءباسپاسوز قىزمەتى تەمىرجول جولاۋشىلارى تاسىمالىنىڭ جول اقىسى 20 پايىزعا قىمباتتاعانىن ايتقان.
