«Qarmet» اق قىزمەتكەرلەرىنىڭ قازا تاپقانى تۋرالى اقپاراتتى جوققا شىعاردى، دەپ حابارلايدى “ادىرنا” ۇلتتىق پورتالى كومپانيانىڭ ءباسپاسوز قىزمەتىنە سىلتەپ.
«بۇگىنگى كۇنى بىرقاتار باق-تا جانە تەلەگرام-كانالداردا «Qarmet» اق قىزمەتكەرلەرى دەمونتاجداۋ جۇمىستارىن جۇرگىزۋ كەزىندە وقىس وقيعا ورىن الدى دەگەن اقپارات تارادى. بۇل اقپارات شىندىققا جاناسپايدى جانە جالعان»، - دەلىنگەن حابارلامادا.
مالىمەتتەرگە سايكەس، دەمونتاجداۋ جۇمىستارىن جۇرگىزۋ كەزىندە «قازمەحانومونتاج» جشس كاسىپورنىنىڭ جۇمىسشىلارى اپاتقا ۇشىراعان.
«Qarmet» اق «قازمەحانومونتاج» جشس-ءنىڭ قايتىس بولعان جۇمىسشىلارىنىڭ وتباسىلارىنا قايعىلارىنا ورتاقتاسىپ كوڭىل ايتادى.
ەستەرىڭىزگە سالا كەتەيىك، بۇگىن 25 تامىزدا تەمىرتاۋداعى “Qarmet” جشس-نىڭ ەكى قىزمەتكەرى جۇمىس بارىسىندا اپاتقا ۇشىراپ قازا تاپقانى جايلى جازعان ەدىك.
