Aqmola oblysynda Surǵan stansasynda júk poıyzy relsten shyǵyp ketkeni anyqtaldy, dep habarlaıdy “Adyrna” ulttyq portaly.
QTJ apattyń 9 qazan kúni 17:40 shamasynda bolǵanyn habarlady. Búgin tańerteń poıyz qozǵalysy qalpyna keltirilgen.
Esil-Qusmuryn ýchaskesiniń Surǵan stansasynda elektrovoz ben júk poıyzynyń vagondary relsten shyǵyp ketken. Zardap shekkender joq. Kompanııa ókilderi oqıǵanyń sebepterin tekserý úshin komıssııa jiberilgenin málimdedi.
Jeli oqyrmandary oqıǵaǵa qatysty “AES salamyz deıdi me?”, “Relspen júretin poıyzdyń ózin qulatyp jatyr, biz avtojolda avarııa kóp deımiz”, “Adamdar saý ma?” degen syndy pikir bildirgen.
Sondaı-aq, 1 qazannan bastap poıyz bıletteriniń tarıfi kóterilgen bolatyn. "Jolaýshylar tasymaly" AQ baspasóz qyzmeti temirjol jolaýshylary tasymalynyń jol aqysy 20 paıyzǵa qymbattaǵanyn aıtqan.
