ۇلىتاۋ وبلىسىنىڭ اكىمى بەرىك ابدىعاليۇلى جەزقازعانداعى جبب №24 مەكتەپتە ورنالاسقان №213 ۋچاسكەگە كەلىپ، ءوز تاڭداۋىن جاسادى.
ءوڭىر باسشىسى رەفەرەندۋمنىڭ ماڭىزىنا توقتالدى.
«رەفەرەندۋم - «ەستۋشى مەملەكەت» تۇجىرىمداماسىنىڭ اياسىندا حالىق ۇنىنە قۇلاق اسۋ ءۇشىن ۇيىمداستىرىلىپ وتىرعان اۋقىمدى ءىس-شارا. قازاقستانداعى بارلىق تۇرعىن بۇگىن داۋىس بەرۋ مۇمكىندىگىنە يە بولىپ جاتىر. مەن دە ءوز ەلىمنىڭ ەركىن ازاماتى رەتىندە ۋچاسكەگە كەلىپ، ەل ەرتەڭىنە بەي-جاي قارامايتىن جەرلەستەرىممەن بىرگە داۋىس بەردىم»، - دەدى ءوڭىر باسشىسى بەرىك ابدىعاليۇلى ءوز سوزىندە.
جالپى ۇلىتاۋ وبلىسى بويىنشا 132 رەفەرەندۋم ۋچاسكەسى، ونىڭ ىشىندە ازاماتتاردىڭ 4 ۋاقىتشا كەلۋ ۋچاسكەلەرى جۇمىس ىستەيدى. 870 اۋماقتىق جانە ۋچاسكەلىك رەفەرەندۋم كوميسسياسىنىڭ مۇشەسى قىزمەت اتقارۋدا. وبلىس قالالارىنداعى 21 ۋچاسكەدە سايلاۋشىلار تىزىمىندە ازاماتتاردى تەكسەرۋ بويىنشا ونلاين-سەرۆيستەر جانە 6 ۋچاسكەدە ازاماتتاردى تىركەۋ بويىنشا سەرۆيستەر ورناتىلدى.
ەرەكشە قاجەتتىلىكتى تالاپ ەتەتىن 336 ادام ءۇشىن داۋىس بەرۋ جاعدايلارىن قامتاماسىز ەتۋ بويىنشا رەفەرەندۋم زاڭناماسى شەڭبەرىندە جاعدايلار جاسالدى. ونىڭ ىشىندە كرەسلو-اربالاردى پايدالاناتىن 157, زاعيپ جانە ناشار كورەتىندەرى -108, ەستۋ قابىلەتى بويىنشا مۇگەدەكتىگى بار – 71 ادام. بارلىق ۋچاسكە پاندۋستارمەن جانە تۇتقالارمەن، ءتيىستى بۇرىشتارمەن جانە داۋىس بەرۋ ءۇشىن قاجەتتى قۇرالدارمەن جابدىقتالعان.
مۇگەدەكتەر ارباسىن پايدالاناتىن ادامدار ءۇشىن ۋچاسكەلەردە ەرىكتىلەردىڭ كومەگى كوزدەلەتىن بولادى. رەفەرەندۋم كۇنى وبلىستىڭ قالالارىندا 6 ينۆاتاكسي قىزمەت كورسەتەدى.
