قوستانايدا ۋچاسكەلىك پوليتسيا ينسپەكتورىنىڭ پلاكاتىنا بالاعات سوزدەر جازعان قىزعا ءىرى كولەمدە ايىپپۇل سالىندى، دەپ حابارلايدى "ادىرنا" ۇلتتىق پورتالى ۇلىسمەدياعا سىلتەپ.
پوليتسيا دەرەگىنشە، وقيعا قوستانايداعى كوپقاباتتى ۇيلەردىڭ بىرىندە بولعان. بەينەباقىلاۋ كامەراسىنا ءتۇسىپ قالعان ۆيدەودان ەكى قىزدىڭ ليفتكە كىرگەنىن بايقاۋعا بولادى. كەيىننەن بەينەگە قىزداردىڭ ءبىرىنىڭ ۋچاسكەلىك پوليتسەيدىڭ تۇرعىندارعا اقپاراتتاندىرۋ ءۇشىن جاپسىرعان پلاكاتىنا ماركەرمەن سۋرەت سالعانىن كورۋگە بولادى.
"ۆيدەو ارقىلى قۇقىقبۇزۋشى تەز انىقتالدى. قىز بالانىڭ قۇقىق قورعاۋ ورگاندارىندا ەسەپتە تۇرعانى بەلگىلى بولدى. ول بۇرىن ۇرلىق جاساعانى ءۇشىن قىلمىستىق جاۋاپكەرشىلىككە تارتىلعانى انىقتالدى. بۇل جاعدايدا قىزدىڭ قوعامدىق ورىندى لاستاۋى ۇساق بۇزاقىلىق رەتىندە قاراستىرىلادى", – دەلىنگەن پوليتسيا حابارلاماسىندا.
قۇزىرلى ورگان بويجەتكەنگە ۇساق بۇزاقىلىعى ءۇشىن شامامەن 185 مىڭ تەڭگە كولەمىندە ايىپپۇل سالىنعانىن حابارلادى.
