ءىىم-ءنىڭ وزىندىك قاۋىپسىزدىك دەپارتامەنتى جامبىل وبلىسىندا پوليتسيا باستىعىنىڭ ورىنباسارى ۇستالعانىنا قاتىستى تۇسىنىكتەمە بەردى، دەپ حابارلايدى "ادىرنا" ۇلتتىق پورتالى.
قازىرگى ۋاقىتتا ول ۋاقىتشا ۇستاۋ يزولياتورىندا قاماۋدا وتىر. سوتقا دەيىنگى تەرگەۋ امالدارى جۇرگىزىلۋدە.
2025 جىلدىڭ 29 تامىزىندا ىشكى ىستەر ءمينيسترىنىڭ بۇيرىعىمەن كۇدىكتى «تەرىس سەبەپتەر بويىنشا» قىزمەتىنەن بوساتىلعان.
ءىىم رەسمي حابارلاماسىندا قانداي قىلمىستىق ءىس قوزعالعانى جانە ءىستىڭ ءمان-جايى ناقتى كورسەتىلمەگەن. تەك «قۇقىققا قايشى ءىس-ارەكەتتەر» تۋرالى ايتىلىپ وتىر.
ء«بىزدىڭ ۇستانىمىمىز ايقىن: زاڭ مەن انتتى ساتقان ادامدار مىندەتتى تۇردە اشكەرەلەنىپ، جاۋاپقا تارتىلادى»، – دەلىنگەن مينيسترلىك حابارلاماسىندا.
قۇقىق قورعاۋ ورگاندارى كۇدىكتىنىڭ اتى-ءجونىن جاريالامادى. الايدا باق پەن الەۋمەتتىك جەلىلەردە بۇل وقيعاعا جايداربەك قۇتتىباەۆتىڭ قاتىسى بار بولۋى مۇمكىن دەگەن بولجام تارادى.
