ۇيدەن كەتىپ قالعان ايەلىن قايتارۋ ماقساتىندا ەر ادام "قوستاناي-الماتى" باعىتىنداعى پويىزعا جارىلعىش زات قويىلعانى تۋرالى حابارلاما قالدىرعان، دەپ حابارلايدى “ادىرنا” ۇلتتىق پورتالى Kstnews.kz پورتالىنا سىلتەمە جاساپ.
5 قاراشا كۇنى ساعات شامامەن 00:33-دە ەسىل ستانتسياسىنا توقتاعان جولاۋشىلار پويىزىندا شۇعىل تەكسەرىس جۇرگىزىلدى. پوليتسيا بولىمشەسىنە جارىلعىش زات قويىلعانى تۋرالى اقپارات كەلىپ تۇسكەن.
ءتۇن ۋاقىتىندا پويىزداعى بارلىق جولاۋشىلار سىرتقا شىعارىلىپ، تۇگەل تەكسەرىس ءجۇردى. ءجىتى تەكسەرىس كەزىندە پويىزدان ەشقانداي جارىلعاش زات تابىلماعان.
"جولاۋشى ايەلدەن جاۋاپ الىندى. ول وسى ارەكەتكە بىرگە تۇراتىن 22 جاستاعى ەر ادام بارۋ مۇمكىن ەكەنىن ايتتى. جولعا شىعاردىڭ الدىندا ەكەۋى ۇرسىسىپ قالعان", - دەيدى پوليتسەيلەر.
كۇيەۋىمەن سوزگە كەلىپ، پويىزبەن قايتىپ بارا جاتقان ايەلى مەن بالاسىن توقتاتۋ ماقساتىندا وسىنداي قادامعا بارعان.
“ادىرنا” ۇلتتىق پورتالى
